Elordada vaktsinalanǵan jastar arasynda 1,5 million teńge oinatylady, dep habarlaidy "Ult aqparat" qala ákimdiginiń resmi saityna silteme jasap.
«Astana jastary» jastar resýrstyq ortalyǵy qalalyq jastar saiasaty máseleleri basqarmasynyń qoldaýymen Halyqaralyq jastar kúni qarsańynda «Stop COVID-19» úzdik beine-challenge baiqaýyn uiymdastyrady.
Baiqaý stýdent jastar arasynda vaktsinalaý arqyly COVID-19 taralýyna qarsy kúres, sondai-aq stýdentter arasynda shyǵarmashylyq klasterdi qoldaý maqsatynda ótkizilýde. Saiys jeńimpazy elordalyq máslihat depýtaty Azamat Manasulynyń basshylyǵymen jumys isteitin «Idiris Orynbasar atyndaǵy qaiyrymdylyq qorynan» 1 million teńge alady. 2-orynǵa – 300 myń teńge, 3-orynǵa – 200 myń teńge. Sondai-aq, baiqaýǵa qatysýshylar úshin «Arena fitness», «Winox» fitnes-zaldarynyń tanymal jelilerinen jáne «Hlebnyi krai» kompaniiasynan yntalandyrý syilyqtary qarastyrylǵan.
Baiqaý osy jyldyń 5 tamyzy men 5 qazany aralyǵynda ótedi. Oǵan elordanyń orta arnaýly (kolledjder) jáne joǵary oqý oryndarynyń kámeletke tolǵan stýdentteri qatysa alady.
«Baiqaý erejesiniń sharttarymen kelesi Instagram-paraqshalarda tanysýǵa bolady: @astana_jastary jáne @ns_jastary nemese WhatsApp +77471909693 nómiri boiynsha habarlasýǵa bolady», - dep habarlady Nur-Sultan qalasynyń Jastar saiasaty máseleleri basqarmasynyń basshysy Qairat Qambarov.
