Telegram chattarynda AQSh-tyń Aýrýlardy baqylaý jáne aldyn alý ortalyǵy (CDC) SOVID-19-ǵa qarsy vaktsinatsiia miokardit pen perikardit qaýpin 200 esege arttyrady degen qorytyndyǵa keldi degen habarlama taratylýda. Onyń avtorynyń aitýynsha, qorytyndy vedomstvonyń resmi saitynda esepte jariialanǵan. Shyn máninde, qujatta mundai eshteńe aitylmaǵan. Bul týraly stopfake.kz saity habarlady.
AQSh-taǵy resmi málimetterge sáikes, 177 millionnan astam adam COVID-19 qarsy vaktsinanyń kem degende bir dozasyn aldy. Osy jyldyń 21 sáýirindegi jaǵdai boiynsha vaktsinalardyń boljamdy janama áserleri týraly óz betinshe habarlaýǵa múmkindik beretin VAERS júiesine miokarditke nemese perikarditke bailanysty 616 ótinish kelip túsken. Olardyń 393-i tekserý qorytyndysyboiynsha shynaiy jáne qandai da bir túrde vaktsina alýmen bailanysty bolyp shyqty. Bul kórsetkishter vaktsinatsiialanǵan adamdar arasynda miokardit pen perikardittiń damýy sirek kezdesetin qubylys ekenin jáne ekpe saldyrǵandardyń shamamen 0,2% –ynda damitynyn kórsetedi.
Alaida mamandar miokardit pen perikardittiń damý jaǵdailaryn zertteýde. Atap aitqanda, qazaqstandyqtar Telegram-da talqylap jatqan qujat osy problemaǵa arnalǵan jáne AQSh-tyń immýndaý praktikasy jónindegi
Konsýltativtik komitetiniń mamandarymen ázirlengen.
Qujatta keltirilgen kesteler men statistikalyq málimetter vaktsinatsiialanǵan jáne vaktsinatsiialanbaǵan adamdar arasynda miokardit pen perikardittiń damý jaǵdailary salystyrylmaidy. Vaktsinatsiia kezinde miokardittiń damý qaýpi 200% ósetini týraly derekter esepte joq.
Kesteler men grafikterde VAERS júiesiniń derekteri paidalanylǵan, al esep avtorlary vaktsinatsiia men aýrýdyń arasynda sebep-saldarlyq bailanys bolmaýy múmkin ekenin aitady.
Grafikterde vaktsinanyń birinshi jáne ekinshi dozasyn alǵannan keiingi ótinishter sanyn, erler men áielderde jaǵymsyz reaktsiialardyń damý jiiligin jáne vaktsinatsiialanǵan adamdar arasynda miokardittiń paida bolý tabiǵaty men sebepteri týraly qorytyndy jasaýǵa múmkindik beretin basqa derekter usynylǵan.
Qorytyndyda alynǵan nátijeler klinikalyq zertteýlerdiń málimetterine sáikes keledi delingen. Miokardit jas erler men jasóspirimderde vaktsinanyń ekinshi dozasyn alǵannan keiin jii damidy, simptomdar vaktsinatsiiadan keiingi alǵashqy tórt kúnde paida bolady.
Sondai-aq, esepte miokardittiń damýy týraly habarlaǵan adamdardyń basym bóligi aiyǵyp shyqqany aitylǵan. Keibireýleri dárigerlerdiń baqylaýynda. Ólim-jitim
tirkelmegen.
Miokardittiń damýy sirek kezdesetindikten, CDC áli de 12 jastan asqan barlyq adamdarǵa COVID-19 qarsy vaktsina alýǵa keńes
beredi.
Qorytyndylai kele, taratylyp jatqan esep vaktsinatsiialanǵan adamdarda miokardit pen perikardittiń damý qaýpi vaktsinany almaǵandarǵa qaraǵanda 200 ese joǵary ekenin dáleldemeidi. Qujatta mundai statistika joq.
