Koronavirýsqa qarsy vaktsina alǵan donor bola ala ma? Bul suraqqa ortalyq kommýnikatsiialar qyzmetinde Densaýlyq saqtaý ministriniń birinshi orynbasary Marat Shoranov jaýap berdi, dep habarlaidy QazAqparat.
«Jalpy vaktsina alǵan adamnyń donor bolýyna eshqandai shekteý joq. Tek bir ǵana shekteý bar. Ekpe alǵannan keiin eki aptanyń ishinde donor bolýǵa bolmaidy. Al jalpy ǵalymdardyń málimeti boiynsha ondai shekteýler joq», - dedi vitse ministr.
Osy sharada Sanitarlyq-epidemiologiialyq baqylaý komitetiniń tóraǵasy Aijan Esmaǵambetova vaktsina alǵan qazaqstandyqtardyń 0,05 paiyzy qaita indet juqtyrǵanyn aitty.
«Vaktsinalarǵa jiktep aitsaq, «Spýtnik V» boiynsha 2 024 jaǵdai anyqtaldy. Birinshi komponent – 1 190, ekinshi komponent – 834. QazVac boiynsha 40 jaǵdai tirkeldi. Sáikesinshe, 21 jáne 19. Hayat-Vax boiynsha 140 (89/51) jáne CoronaVac boiynsha 6 adam birinshi dozadan keiin koronavirýs juqtyrǵan. Osynyń bárin qossańyz 2 212 jaǵdai shyǵady. Biraq bul málimetti absoliýtti sandar kóleminde qoldaný durys emes dep oilaimyn. Búginde bizde 4 millionǵa jýyq adam ekpe alǵan. Sonyń 0,05 paiyzy vaktsina alǵannan keiin aýyrǵan degen sóz», - dedi Aijan Esmaǵambetova.
