Memleket basshysynyń Jarlyǵymen Marat Zenikenuly Syzdyqov Ujymdyq qaýipsizdik týraly shart uiymynyń janyndaǵy Qazaqstan Respýblikasynyń Turaqty ókili bolyp taǵaiyndaldy, dep habarlaidy Aqordanyń resmi saity.
Jánibek Abdýlákimuly Imanaliev Ujymdyq qaýipsizdik týraly shart uiymynyń janyndaǵy Turaqty keńestegi Qazaqstan Respýblikasynyń Ókiletti ókili laýazymynan bosatyldy.
Aita keteiik, Marat Zenikenuly Syzdyqov 1966 jyly 27 sáýirde Shýchinsk qalasynda dúniege kelgen.
S.Seifýllin atyndaǵy Tselinograd memlekettik pedagogikalyq institýtyn jáne Resei SIM Diplomatiialyq akademiiasyn bitirgen.
Óziniń eńbek jolyn Tselinograd qalasyndaǵy №7 gimnaziianyń tarih pániniń muǵalimi retinde bastady.
1992-1998 jyldary L.Gýmilev atyndaǵy Eýraziia ulttyq ýniversitetinde Jańa jáne qazirgi zaman tarihy kafedrasynyń oqytýshysy, aǵa oqytýshysy qyzmetin atqardy.
1998-2000 jyldary – QR Prezidenti Ákimshiliginiń Taldaý jáne strategiialyq zertteýler ortalyǵynyń sarapshysy, al 2000-2002 jyldary - QR Prezidenti Ákimshiliginiń Qaýipsizdik Keńesi Taldaý ortalyǵynyń halyqaralyq protsesterdi taldaý jáne boljaý sektorynyń meńgerýshisi boldy.
2010-2014 jyldary - QR Prezidenti Ákimshiliginiń Syrtqy saiasat ortalyǵy meńgerýshisiniń orynbasary.
2014 jyldan 2019 jylǵa deiin QR-dyń Resei Federatsiiasyndaǵy Elshiliginde keńesshi-ýákil retinde jumys istedi. UQShU janyndaǵy QR Turaqty ókili bolyp taǵaiyndalǵanǵa deiin 2019 jyldan bastap QR Syrtqy ister ministriniń orynbasary boldy.
I synypty Tótenshe jáne Ókiletti Ýákil diplomatiialyq dárejesine ie.
