QR DSM Ulttyq qoǵamdyq densaýlyq saqtaý ortalyǵy sanitarlyq-epidemiologiialyq saraptama jáne monitoring ǵylymi-praktikalyq ortalyǵy direktorynyń orynbasary Manar Smaǵul vaktsinanyń indetpen kúrestegi rólin túsindirdi, dep habarlaidy QazAqparat.
«Ekpeniń meditsinanyń eń úlken jetistigi ekenin atap ótken jón. Qazirgi ýaqytta vaktsinalar juqpaly aýrýlarǵa qarsy eń tiimdi qorǵanys amaly bolyp otyr. Ekpe jasaý arqyly sheshek siiaqty aýrýlar joiyldy. Vaktsinanyń tiimdiligi men jetistikteri týraly tolassyz aitýǵa bolady. Osydan 20 jyl buryn álem boiynsha kóp memlekette poliomielit aýrýy órshise, qazirgi ýaqytta vaktsina arqyly onyń taralýy azaidy. Vaktsina egý arqyly qyzylsha, gepatit jáne basqa da aýrýlardyń juǵý deńgeii tómendedi», - deidi Smaǵul.
Osy oraida ol múmkindigi bar barlyq elder kúsh-jigerin koronavirýsqa qarsy vaktsina jasaýǵa baǵyttaǵanyn eske saldy.
«Shekteý is-sharalary jaǵdaiynda 1 jyldan astam ýaqyt turyp jatyrmyz. Bul turǵyda vaktsina qozǵalys, qarym-qatynas erkindigin beredi. Osy oraida koronavirýstyń taralýyna tosqaýyl qoiamyz degen oidamyn», - dep atap ótti sarapshy Manar Asyrqyzy.
Bul rette sarapshy koronavirýsqa qarsy vaktsinanyń shyǵarylýy búkil álemdi alańdatqan indettiń tiimdi aldyn alý qadamyna qol jetkizýdi bildiretinin atap ótti.
Onyń sózine qaraǵanda, ekpe qanshalyqty tez daiyndalsa da, ony ázirleýge jáne óndirýge óte joǵary talaptar qoiylyp otyr.
Atap aitqanda, vaktsinanyń sapasyna qoiylatyn bul qatań talaptar eshqashan ózgermeidi.
Ekpe jappai paidalanýǵa berilse, demek ol barlyq qaýipsizdik talaptaryna jáne álemdik standarttarǵa sai keledi degen sóz.
«Vaktsinalanǵan adamdar kóp bolǵan saiyn, qozdyrǵyshtardyń taralý keńistigi tarylady. Ekpe saldyrǵandar kóbeigende virýstyń taralýy da shekteledi. Vaktsinatsiia saiasaty osyǵan negizdelgen. Koronavirýsqa qarsy vaktsinalaý týraly aitqan kezde, bizdiń maqsat – ujymdyq immýnitetti qalyptastyrý», - dedi Manar Smaǵul.
Sonymen qatar ortalyq ókili virýstyń jańa mýtatsiialaryna qatysty pikir bildirdi.
«Qazir jasalynǵan nemese qazirdiń ózinde maquldanǵan COVID-19 vaktsinalary virýstyń jańa nusqalarynan kem degende belgili bir dárejede qorǵaýdy qamtamasyz etedi, óitkeni olar ártúrli antideneler men jasýshalardyń qatylýymen keń immýndyq jaýapty týdyrady. Sondyqtan virýstyń ózgerýi nemese mýtatsiiasy vaktsinalardyń tiimdiligin joqqa shyǵarmaýy kerek», - deidi Manar Asyrqyzy.
