Ruh.kz portaly qyrkúiek aiynan bastap «Bookdating» respýblikalyq kitap jobasyn bastady, dep habarlaidy "Ult aqparat".
Jobanyń maqsaty – qazaq jastary arasynda kitap oqý mádenietiniń artýyna úles qosý. Intellektýaldy orta qalyptastyrý. Kitapsúier jastardan quralǵan alań jasaý.
Jobanyń missiiasy: Qazaqstan Respýblikasynyń Tuńǵysh Prezidenti – Elbasy Nursultan Nazarbaev «Bolashaqqa baǵdar: Rýhani jańǵyrý» atty maqalasynda bizge injenerler men dárigerler ǵana emes, qazirgi zamandy jáne bolashaqty tereń túsinetin bilikti gýmanitarlyq sala mamandary da aýadai qajet ekenin aitty. Bul rette atalmysh joba álemniń úzdik ádebietteriniń qazaq tilindegi aýdarma nusqalaryn keń kólemde nasihattaýdy kózdeidi.
Joba aiasynda, sondai-aq «Rýhani jańǵyrý» baǵdarlamasynyń «Jańa gýmanitarlyq bilim. Qazaq tilindegi 100 jańa oqýlyq» jobasy aiasynda osy ýaqytqa deiin jaryq kórgen ádebiettiń taralymyn arttyryp, qoljetimdi etýdi kózdeidi. Pandemiia jaǵdaiynda qoǵamdy bilim alýǵa, sol arqyly jańa múmkindikterge qol jetkizýge shaqyrady.
Joba Qoǵamnyń Mediabailanys jáne PR basqarmasyna qarasty Ruh.kz portalynyń súiemeldeýimen, sondai-aq óńirlerdegi jobalyq keńselerdiń atsalysýymen júzege asady.
Portal búginge deiin Stiven Kovidiń «Jasampaz jandardyń 7 daǵdysy», Kotler men Gari Armstrongtyń «Marketing negizderi» kitaptaryn talqylady. Bólimderdiń beinejazbasyn Ruh.kz portalynan kóre alasyzdar.
Jyl sońyna deiin portal Shyńǵys Muqannyń «Otbasy», Janarbek Áshimjannyń «Alǵashqy qońyraý», Deil H. Shýnktyń «Oqytý teoriiasy», Beinbrij Jeison, Gok Nikola, Tainan Lizdiń «Mediia jáne jýrnalistika: teoriia men praktikaǵa jańa kózqaras», Djeims Robinsonnyń «Memleketter nege damymai qalady?», Paýlo Koelonyń «Beibit ómirdiń máni» kitaptaryn talqylamaqshy.
