videodan alynǵan kadr
Keshe, 2 tamyzda Almatydaǵy "Aqkent" shaǵyn aýdanyndaǵy turǵyn úi kesheninde órt shyqty. Turǵyndar oqiǵa qalai bolǵanyn aitty, - dep habarlaidy Massaget.kz saity.
Oqiǵany kózben kórgenderdiń biri órtsóndirýshiler joǵary qabatqa deiin jete almaǵanyn, sondyqtan qurylysta jumys istep jatqan krandar jumyldyrylǵanyn aitady.
"Olardiki (órtsóndirýshiler - esk.) jetpegennen keiin myna jerde jumys istep jatqan túrikter bar ǵoi. Solar ózderiniń krandaryn ákeldi. Kran arqyly 15-16 qabattaǵylardy shyǵaryp aldy. Olar qazaqtardy mingizgen joq. "Ózimiz kran ákeldik, ózimiz qutqaramyz" dedi. 16-qabatqa qarai órtsóndirýshiler de mingen joq. Arǵy buryshtan úsh balasymen bir áieldi qutqardy. Eki ailyq balasy, 4 jasar balasymen taǵy bir áieldi qutqardy. 15-qabatta 4 stýdent boldy. Solardy qutqardy. Kishkene keshikkende, 10-qabattan joǵary qarai adamdarǵa qiyn bolar edi", - deidi Aqkent turǵyny.
Turǵyndardyń sózinshe, tilsiz jaýmen kúreste aýyzbirshilik tanytqandarynyń arqasynda kóp adam aman qalǵan.
"Bul jerde bárimiz bir-birimizdi tanimyz. Ortaq chat bar. Kóp adam kórshilerdiń aýyzbirshiliginiń arqasynda aman qaldy. Ózim biletin dostarym jumystan kelip, úiin tolyq jóndep, demalyp, uiyqtap alaiyn dep jatqanda, qarama-qarsy kórshisi kelip oiatqan. Tútinge ýlanyp jatqan", - deidi ol.
video: M NEWS Youtube arnasy
