Tótenshe jaǵdai saldarynan úileri zaqymdanǵan Arys turǵyndary mektepte jasaqtalǵan ýaqytsha lagerde tura alady. Bul týraly Túrkistan oblysy ákiminiń keńesshisi Sáken Qalqamanov aitty, dep habarlaidy "Ult aqparat".
«Resmi túrde málimdeimin! Eshkim dalada túnemeidi. Arys qalasynyń bastaýysh mektebinde úileri tolyǵymen qiraǵan nemese janyp ketken turǵyndar úshin ýaqytsha lager uiymdastyryldy. Kúnine úsh ret tamaqtandyratyn ashana, 800 adamǵa arnalǵan jatyn oryn, balalar úshin oiyn alańdary bar», - dep jazdy S.Qalqamanov Facebook-te.
Eske sala ketsek, Arys qalasyndaǵy áskeri bólimniń qoimasynda 24 maýsym kúni tańerteń jarylys boldy. Saldarynan úsh adam qaza tapty - Arys turǵyny men eki áskeri qyzmetshi. 170-ke jýyq adam zardap shekti. 20-ǵa jýyq úi, 9 qora-qopsy janyp, dalaly aýmaqta 14 oshaq tutandy. Úi-jailar men ǵimarattardyń 80-90 paiyzyna ártúrli deńgeide zaqym keldi. Birqatar óńirde shuǵyl jeliler quryldy.
Fakti boiynsha qylmystyq is qozǵaldy.
Al, 28 maýsym, tańerteńgi saǵat altydan bastap Shymkenttegi 53 evakýatsiialyq pýnktten Arys turǵyndary óz úilerine orala bastady. Osy kúni keshki saǵat 18:00-degi jaǵdai boiynsha, 14 myń turǵyn úilerine jetti.
