تٶتەنشە جاعداي سالدارىنان ٷيلەرٸ زاقىمدانعان ارىس تۇرعىندارى مەكتەپتە جاساقتالعان ۋاقىتشا لاگەردە تۇرا الادى. بۇل تۋرالى تٷركٸستان وبلىسى ەكٸمٸنٸڭ كەڭەسشٸسٸ سەكەن قالقامانوۆ ايتتى, دەپ حابارلايدى "ۇلت اقپارات".
«رەسمي تٷردە مەلٸمدەيمٸن! ەشكٸم دالادا تٷنەمەيدٸ. ارىس قالاسىنىڭ باستاۋىش مەكتەبٸندە ٷيلەرٸ تولىعىمەن قيراعان نەمەسە جانىپ كەتكەن تۇرعىندار ٷشٸن ۋاقىتشا لاگەر ۇيىمداستىرىلدى. كٷنٸنە ٷش رەت تاماقتاندىراتىن اسحانا, 800 ادامعا ارنالعان جاتىن ورىن, بالالار ٷشٸن ويىن الاڭدارى بار», - دەپ جازدى س.قالقامانوۆ Facebook-تە.
ەسكە سالا كەتسەك, ارىس قالاسىنداعى ەسكەري بٶلٸمنٸڭ قويماسىندا 24 ماۋسىم كٷنٸ تاڭەرتەڭ جارىلىس بولدى. سالدارىنان ٷش ادام قازا تاپتى - ارىس تۇرعىنى مەن ەكٸ ەسكەري قىزمەتشٸ. 170-كە جۋىق ادام زارداپ شەكتٸ. 20-عا جۋىق ٷي, 9 قورا-قوپسى جانىپ, دالالى اۋماقتا 14 وشاق تۇتاندى. ٷي-جايلار مەن عيماراتتاردىڭ 80-90 پايىزىنا ەرتٷرلٸ دەڭگەيدە زاقىم كەلدٸ. بٸرقاتار ٶڭٸردە شۇعىل جەلٸلەر قۇرىلدى.
فاكتٸ بويىنشا قىلمىستىق ٸس قوزعالدى.
ال, 28 ماۋسىم, تاڭەرتەڭگٸ ساعات التىدان باستاپ شىمكەنتتەگٸ 53 ەۆاكۋاتسييالىق پۋنكتتەن ارىس تۇرعىندارى ٶز ٷيلەرٸنە ورالا باستادى. وسى كٷنٸ كەشكٸ ساعات 18:00-دەگٸ جاعداي بويىنشا, 14 مىڭ تۇرعىن ٷيلەرٸنە جەتتٸ.
