Ózbekstanda kúieý jigit úilený toiynda konkýrstan jeńilip qalyp, qalyńdyǵyn uryp-soqty. Oqiǵanyń videosy áleýmettik jelilerde keńinen tarap jatyr, - dep habarlaidy Tengrinews.kz agenttigi Gazeta.uz portalyna silteme jasap.
Ózbekstannyń otbasy jáne áielder memlekettik komitetiniń málimetinshe, oqiǵa 6 maýsymda Sýrhandariia oblysynyń Uzyn aýdanyndaǵy Toltýgai mahallasynda R.H. (1997 jyly týǵan) men A. D. (2003) úilený toiynda bolǵan. Toi kúieý jigittiń úiinde ótken. Toida táttilerge bailanysty baiqaý bolǵan, onyń maqsaty - kámpitterdi tez ashý. Konkýrsty qalyńdyq jeńedi, keiin jubaiy ony basynan uryp salady.
Sýzýn aýdanynyń ishki ister basqarmasy oqiǵany zerttep, kúieý jigit jáne qalyńdyqpen, sonymen qatar, olardyń ata-analarymen "profilaktikalyq áńgime" ótkizdi.
"Azamat R.H. is-áreketterinde qylmys belgileri tabylyp, onyń qujattary Uzyn aýdandyq qylmystyq ister jónindegi sotqa jiberildi", - delingen komitet habarlamasynda.
Basylym málimetinshe, er adamǵa qatysty ákimshilik jaýapkershilik týraly kodekstiń 183-baby boiynsha ákimshilik is ashylǵan ("Usaq buzaqylyq" 3-ten 5-ke deiin bazalyq eseptik aiyppul salýǵa nemese 15 táýlikke deiin ákimshilik qamaýǵa ákep soǵady).
