Foto: Zakon.kz
Jambyl aýdanyndaǵy sharýaqojalyqtardyń birinde eki kún buryn qoishy 700 qoiymen birge qumdy aýmaqta adasyp ketken, dep habarlaidy Ult.kz.
Habarlama túsken sátte jedel túrde oqiǵa ornyna shyqqan politsiia qyzmetkerleri jiti izdestirý jumystaryn júrgizdi. Politsiianyń jedel ári kásibi áreketiniń nátijesinde 24 saǵatqa jetpei aýdan ortalyǵynan 200 shaqyrym jerde qoishy da, onyń maldary da aman-esen tabyldy.
Qoishynyń aitýynsha, ol qalyń tumanda joldy baiqamai qalyp, ádettegi baǵytynan adasqan. «Túnde tońyp qalmaý úshin uiyqtamaýǵa tyrystym. Úsh kúnge jýyq tamaq ishpegendikten álsirep qaldym. Meni tapqan politsiia qyzmetkerleri jaǵdaiymdy kórip, birden jyly orynǵa aparyp, airan men nan berdi. Alǵysym sheksiz», — dedi ol.
Jambyl oblysy Politsiia departamenti turǵyndarǵa aýa raiy qolaisyz kezde alys jaiylymǵa jalǵyz shyqpaýǵa, jaqyndarymen árdaiym bailanysta bolýǵa keńes beredi.
