Halyq ártisi Roza Rymbaeva Aqtaýda, daýylǵa qaramastan, ashyq sahnada kontsert berdi.
inAktau.kz basylymynyń habarlaýynsha, óner juldyzynyń kontserti 14 naýryzda 15-shaǵyn aýdanda ótýi kerek bolǵan, alaida bul kúni qutqarý qyzmeti Mańǵystaý oblysynyń turǵyndaryna sekýndyna 20 metrge deiin jel soǵatyny týraly habarlama jibergen. Aýa raiynyń qolaisyzdyǵyna qaramastan, ánshi kontsertin ótkizý týraly sheshim qabyldap, jinalǵandar aldynda óner kórsetti.
"Biz kontsertti keiinge qaldyrǵymyz kelgen, biraq Roza Rymbaeva buǵan úzildi-kesildi qarsy boldy. Aqtaý turǵyndary aptap ystyqta da, aiazdy kúni de, daýylda da, tipti sýsyz qalǵan kúnderi de osy qalany turǵyzdy. Sondyqtan bul kontsert – Aqtaý turǵyndaryna degen qurmet", - degen ánshi.
Basylym málimetinshe, Rymbaevanyń keshine oblystyq ortalyqtan 50 shaqty ǵana adam kelgen. Jeli qoldanýshylary óner iesinen uiat bolǵanyn jazyp jatyr.
