Polisia.kz
Pavlodarda politsiia qyzmetkerleri "granata jarmaq bolǵan" 47 jastaǵy er adamdy ustady, - dep habarlaidy "Ult aqparat" Polisia.kz-ke silteme jasap.
Saǵat 11:30-da qalalyq politsiiaǵa otbasylyq janjal týraly qońyraý tústi. Páterde mas adam urys shyǵaryp, granatany jaryp jiberemin dep aiqailaǵan. Oqiǵa ornyna kelgen politsiia qyzmetkerleri ony sabyrǵa shaqyryp, sóilese bastaǵan. Osy sátti paidalanǵan politsiia qyzmetkerleriniń biri er adamnyń qolynan granatany julyp alyp, ony zalalsyzdandyrǵan.
Qazir saperler jarylǵysh zatty tekserip jatyr.
"Barlyq arnaiy qyzmetter oqiǵa týraly habardar etildi. Úi turǵyndaryn evakýatsiialaý júrgizildi", - delingen habarlamada.
