Almaty ákimdigi Zerdeli shaǵynaýdanyndaǵy 9 qabatty №1/179 úidiń ahýalyn teksergen komissiianyń qorytyndysyn shyǵardy, dep habarlaidy "Ult aqparat".
Qalalyq TJD kezekshi bólimine búgin turǵyndar habarlasyp úidiń qisaiyp bara jatqanyn aityp dabyl qaqqan edi.
Olardyń shaǵymyn tekserý úshin ákimdik shuǵyl jumys komissiiasyn jinaǵan bolatyn.
«Jeltoqsannyń 10-nan 11-ine qaraǵan túni qalalyq Yńǵaily orta basqarmasynyń mamandary oqiǵa ornyna shyqqan bolatyn. Vizýaldy tekserý barysynda qatty aýytqý baiqalmaǵan. Búgin «Almatybasjospary» Ǵylymi zertteý institýtynyń mamandary munyń aldynda qoiylǵan belgilerdi tekserip shyqty. Nátijesinde eshbir aýytqý baiqalmady», – dedi basqarmadan.
Zerdeli aýdanyndaǵy 9-qabatty úi osydan birneshe jyl buryn irgesi sógilip, bir qyryna qisaiyp qalǵan bolatyn. Sol kezde quzyrly organdardan shuǵyl shtab qurylyp, úidiń irgesi bekitilip, kúsheitilgen edi.
Sodan beri arnaiy qurylǵan jumys toby bul nysandy únemi baqylaýda ustap keledi.
Jumys toby qoiylǵan belgilerdi ai saiyn tekserip otyrady. Sońǵy ret belgi 12 qarashada qoiylǵan.
«Qazaq Qurylys jáne sáýlet ǵylymi zertteý jáne jobalaý institýty» aktsionerlik qoǵamy mamandary úidiń ainalasyndaǵy topyraqty zerttegen soń irgetasy kúsheitiletin bolady.
