Aqtóbe qalasynyń turǵyny mas kúiinde otbasynda janjal shyǵaryp, shaqyrýǵa barǵan politsiia qyzmetkerin pyshaqpen jaraqattaǵan, dep habarlaidy "Ult aqparat".
Aqtóbe qalalyq politsiia basqarmasy jedel basqarý ortalyǵynyń «102» telefonyna «Geolog-2» baý-baqsha ujymynyń turǵynynan habarlama tústi. Ol er adam mas kúiinde janjal shyǵarǵanyn aitqan. Shaqyrýǵa ýchaskelik politsiia inspektorlary bardy.
«49 jastaǵy áiel kúieýiniń pyshaq ustap, qorqytqanyn, mazasyn alǵanyn jetkizdi. Politsiia ony ustaýǵa tyrysqan kezde qarsylasyp, inspektordy jaralady. Politseiler tártip buzýshyny politsiia bólimine jetkizdi. Bilik ókiline baǵynbaǵany úshin sotqa deiingi tergeý júrgizilip jatyr. Politsiia qyzmetkerleriniń laýazymdyq mindetterin atqarý kezinde olarǵa qatysty qorlaýǵa, baǵynbaýǵa jáne kúsh qoldanýǵa bailanysty qylmystardy tergeý ishki ister ministrliginiń erekshe baqylaýynda bolady. Árbir derek boiynsha muqiiat tergeý júrgiziledi», - dep habarlady oblystyq PD baspasóz qyzmetiniń jetekshisi Erbolat Sarqulov.
QR QK-niń «Bilik ókiline qatysty zorlyq-zombylyq qoldaný» baby boiynsha úsh jylǵa deiingi merzimge bas bostandyǵyn shekteý nemese sol merzimge bas bostandyǵynan aiyrý túrinde jaýapkershilik kózdelgen. Bilik ókiliniń zańdy talabyna nemese ókimine baǵynbaǵany úshin QR QK 379-babyna sáikes kúdiktini 40 táýlikke deiingi merzimge qamaýǵa alýǵa bolady.
