Jangeldin aýdanynda turǵyn úi ishinde gaz ballony jarylyp, 4 adam kóz jumdy, dep habarlaidy "Ult aqparat" oblystyq densaýlyq saqtaý basqarmasynyń baspasóz qyzmetine silteme jasap.
Oqiǵa 15 jeltoqsan kúni Torǵai aýylynda bolǵan. Sońǵy málimet boiynsha Baiqadam kóshesindegi turǵyn úilerdiń birinde gaz ballony jarylǵan.
«Saǵat 21:00 shamasynda aýdandyq aýrýhanaǵa bes adam jetkizildi. Olardyń arasynda úsh balanyń denesin 40%, al 22 jáne 34 jastaǵy eresek adamdardyń denesin 70% kúiik shalǵan. Qostanai oblysy densaýlyq saqtaý basqarmasy basshysynyń buiryǵymen Jangeldin aýdanynda tótenshe jaǵdaiǵa bailanysty shtab quryldy. Órtte zardap shekkenderge alǵashqy meditsinalyq kómek kórsetildi (shokqa qarsy terapiia, tańý, aýyrsynýdy basý). Órt kezinde 4 adam kóz jumdy. Onyń ishinde jasqa tolmaǵan eki sábi bar», - dep habarlady vedomstvonyń baspasóz qyzmetindegiler.
17 jeltoqsan kúni órtten zardap shekkender sanitarlyq aviakólik arqyly Nur-Sultan qalasyna jetkizildi.
