Qazaqstan aýmaǵynda satylǵan taýarlarǵa ilespe júkqujat resimdeýdiń pilottyq jobasy qolǵa alynǵannan beri úi aýlasyndaǵy dúken ieleri Qarjy ministrliginiń Memlekettik kirister komitetine kóptegen saýaldar joldaǵan kórinedi.
Komitettiń baspasóz qyzmeti osyǵan bailanysty túsindirme aqparat taratty, dep habarlaidy "Ult aqparat".
«Úidiń janyndaǵy dúkenderge, taýarlarǵa ilespe júkqujattaryn resimdeý qajet emes. Sońǵy ýaqytta úi mańynan ashylǵan dúken ieleri arasynda alańdaýshylyq týyndap taýarlarǵa ilespe júkqujat resimdeý qajettiligi týraly suraqtar jii qoiylýda. Eger baqylaý kassalyq mashinalarynyń túrbirtegin bere otyryp, onlain baqylaý-kassa mashinalary qoldanylatyn bolsa, taýarlarǵa ilespe júkqujat rásimdeý mindetti emes», - dep jazady komitettiń resmi saity.
Komitet ókilderiniń aitýynsha, aktsizdeletin taýarlardy satý kezinde aqparattyq júiede olardyń alynǵanyn rastaý qajet. Buryn bul operatsiia salyq esebin óńdeý júiesindegi salyq tóleýshiniń kabinetinde júrgizilgen. Al qazir elektrondy shot-faktýra aqparattyq júiesinde jasaý qajet.
