قازاقستان اۋماعىندا ساتىلعان تاۋارلارعا ٸلەسپە جٷكقۇجات رەسٸمدەۋدٸڭ پيلوتتىق جوباسى قولعا الىنعاننان بەرٸ ٷي اۋلاسىنداعى دٷكەن يەلەرٸ قارجى مينيسترلٸگٸنٸڭ مەملەكەتتٸك كٸرٸستەر كوميتەتٸنە كٶپتەگەن ساۋالدار جولداعان كٶرٸنەدٸ.
كوميتەتتٸڭ باسپاسٶز قىزمەتٸ وسىعان بايلانىستى تٷسٸندٸرمە اقپارات تاراتتى, دەپ حابارلايدى "ۇلت اقپارات".
«ٷيدٸڭ جانىنداعى دٷكەندەرگە, تاۋارلارعا ٸلەسپە جٷكقۇجاتتارىن رەسٸمدەۋ قاجەت ەمەس. سوڭعى ۋاقىتتا ٷي ماڭىنان اشىلعان دٷكەن يەلەرٸ اراسىندا الاڭداۋشىلىق تۋىنداپ تاۋارلارعا ٸلەسپە جٷكقۇجات رەسٸمدەۋ قاجەتتٸلٸگٸ تۋرالى سۇراقتار جيٸ قويىلۋدا. ەگەر باقىلاۋ كاسسالىق ماشينالارىنىڭ تٷربٸرتەگٸن بەرە وتىرىپ, ونلاين باقىلاۋ-كاسسا ماشينالارى قولدانىلاتىن بولسا, تاۋارلارعا ٸلەسپە جٷكقۇجات رەسٸمدەۋ مٸندەتتٸ ەمەس», - دەپ جازادى كوميتەتتٸڭ رەسمي سايتى.
كوميتەت ٶكٸلدەرٸنٸڭ ايتۋىنشا, اكتسيزدەلەتٸن تاۋارلاردى ساتۋ كەزٸندە اقپاراتتىق جٷيەدە ولاردىڭ الىنعانىن راستاۋ قاجەت. بۇرىن بۇل وپەراتسييا سالىق ەسەبٸن ٶڭدەۋ جٷيەسٸندەگٸ سالىق تٶلەۋشٸنٸڭ كابينەتٸندە جٷرگٸزٸلگەن. ال قازٸر ەلەكتروندى شوت-فاكتۋرا اقپاراتتىق جٷيەسٸندە جاساۋ قاجەت.
