Ekologiia, geologiia jáne tabiǵi resýrstar ministri Serikqali Brekeshev avtokólikter men aýyl sharýashylyǵy tehnikalaryn qaita óńdeý tóleminiń jańa mólsherlemesi qashan jariialanatynyn málimdedi, - dep habarlaidy Tengrinews.kz.
Úkimet otyrysynan keiin jýrnalister suraǵyna jaýap bergen Brekeshev ýtilalym mólsherlemesi tómendegennen keiin kólikter arzandai ma, joq pa degen suraqqa naqty jaýap bermedi.
"Mólsherleme máselesine kelsek, erteń (23 aqpanda) avtokólik jáne aýylsharýashylyq tehnikalaryna tarifter jariialanady. Al aýdarylǵan aqsha boiynsha, aqparat bárine belgili. "ÓKM operatorynyń" esepshottarynda, "ÓKM operatorynyń" EDB shottarynda shamamen 220 milliard teńge bar. Ol qaýly boiynsha, "Jasyl Damý" AQ-qa birilgen", - dedi Serikqali Brekeshev.
Ol aqshanyń qansha bóligi jeńildetilgen avtonesiege bólinetinin aita almady.
Eske salaiyq, 19 qańtarda Úkimet "ÓKM Operatory" JShS-ǵa qatysty qaýly qabyldady, onda kádege jaratý tólemi esebinen qurylǵan aktivterdi memleket menshigine alý týraly sheshim qabyldandy.
