Almaty oblysynda Eńbekshiqazaq kópsalaly aýrýhanasynyń basshysy, eki orynbasary jáne eki meiirbike 25 meditsina qyzmetkerinen 3,1 mln teńge para alǵan. Bul týraly QR Sybailas jemqorlyqqa qarsy is-qimyl agenttiginen málim etti, dep habarlaidy "Ult aqparat".
«Almaty oblysyndaǵy Eńbekshiqazaq kópsalaly aýrýhanasynyń basshysy, eki orynbasary jáne eki meiirbike koronavirýsqa qarsy kúres aiasynda epidemiiaǵa qarsy is-sharalar júrgizýge ruqsat berýdi qamtamasyz etkeni úshin qaramaǵyndaǵy 25 meditsina qyzmetkerinen júieli túrde jalpy somasy 3,1 mln teńgege para alǵan», - delingen agenttik aqparatynda.
Iaǵni meditsina qyzmetkerleri pandemiia kezinde eńbekaqyǵa ústemaqy alý úshin para berip kelgen.
«Para somasy árqaisysynan 100 myńnan 150 myń teńgege deiingi aralyqty qamtidy.
Qylmystyq is júrgizý kodeksiniń 201-babyna sáikes ózge aqparat tergeý múddesine orai jariia etýge jatpaidy», - dep naqtylady vedomstvodan.
Atap ótilgendei, meditsina mamandaryna ústemeaqy tóleýge qatysty anyqtalǵan bul jalǵyz zań buzýshylyq emes.
«Táýekel tobyna jatpaityn adamdarǵa ústemaqy esepteý, qyzmetkerlerdi neǵurlym joǵary táýekel tobyna jatqyzý, jumys istegen saǵattardy tirkeý jáne basshylardyń qol astyndaǵylardan qamqorlyǵy úshin aqy alý faktileri anyqtaldy.
Aǵymdaǵy jyly ústemeaqy alý úshin kovidtik kartochkalarǵa qol qoiýǵa joǵary turǵan bastyqtarǵa berý syltaýymen para alý shemasyn uiymdastyrǵan Qostanai oblysynda Qamysty jedel meditsinalyq járdem qosalqy stantsiiasynyń feldsheri anyqtaldy.
Feldsherler 103 pýltine jalǵan qońyraýlar shalyp, naýqastarǵa barý týraly jalǵan esepter shyǵarǵany anyqtaldy.
Munyń bári meditsina qyzmetkerleri men júrgizýshilerge qosymsha tólemder alýǵa múmkindik berdi, ol qarajattyń bir bóligi qolma-qol aqshamen jáne bank kartasyna aýdarý arqyly feldsherlerge berilgen», - dedi QR Sybailas jemqorlyqqa qarsy is-qimyl agenttiginen.
Jalpy, 2020 jyly 7 óńirde densaýlyq uiymdarynyń laýazymdy tulǵalary tarapynan meditsinalyq járdemaqylardy tóleý kezinde zańsyz is-áreket faktileri anyqtaldy, zalal somasy 60 mln teńgeni quraidy.
Agenttik osy baǵyttaǵy tekserýlerdi jalǵastyra bermek.
