Foto: QyzPU
Qazaqstanda aýyl mektepterin, muǵalimderdiń kóshbasshylyq daǵdylaryn damytý jáne qyzdar kóshbasshylyǵyn qoldaý maqsatynda mańyzdy bastamalar júzege asyrylýda. Almatyda ótken «Aýyl mektepterin transformatsiialaý: Qazaqstandaǵy muǵalimderdiń kásibi qaýymdastyǵyn damytý» konferentsiiasynda osy máseleler keńinen talqylandy, dep habarlaidy Ult.kz.
Is-shara «Aýyldyq mektep shamy» pilottyq jobasy aiasynda uiymdastyryldy. Joba aýyl mektepterin qoldaýǵa jáne muǵalimderdiń kóshbasshylyǵy arqyly kásibi qaýymdastyqtardy damytýǵa baǵyttalǵan.
«Búgin Qazaq ulttyq qyzdar pedagogikalyq ýniversitetinde mańyzdy konferentsiia ótip jatyr. «Aýyldyq mektep shamy» jobasy Mańǵystaý, Atyraý jáne Almaty oblystaryndaǵy aýyl mektepterinde júzege asyryldy. Jobanyń basty maqsaty – muǵalimderdiń kásibi damýyn qamtamasyz etý. Qazirgi tańda elimizde «Ómir boiy bilim alý» tujyrymdamasy iske asyrylýda. Osy aiada ýniversitetimizde bolashaq ustazdardy daiarlaý baǵytynda aýqymdy jobalar qolǵa alynǵan. Solardyń biri – sabaqty zertteý ádisi. Sonymen qatar mektep muǵalimderi júrgizip jatqan jobalar da bilim berý uiymdary men qoǵamdaǵy ózekti máselelerdi qamtidy. Árbir ustaz óz damý jobasy arqyly oqý jyly boiy mektep ishinde naqty ózgerister engizýge úles qosady. Búgingi konferentsiia – osy tájiribelermen bólisip, muǵalimderdiń engizgen jańashyldyqtaryn tanystyrýǵa arnalǵan. Ýniversitetimiz aldaǵy ýaqytta da mektep muǵalimderiniń kásibi damýyn qoldap, osy baǵyttaǵy jumysyn jalǵastyra beredi. Bul – bizdiń basty maqsattarymyzdyń biri», – dedi QyzPU rektory Gúlmira Qanai.
Konferentsiiaǵa muǵalimder, mektep direktorlary, bilim salasyndaǵy sarapshylar, memlekettik, halyqaralyq jáne úkimettik emes uiymdardyń ókilderi qatysty. Qatysýshylar jobanyń negizgi nátijelerin, aýyldyq bilim berýdi transformatsiialaý tájiribelerin jáne muǵalimderdiń kásibi qaýymdastyǵyn damytý perspektivalaryn talqylady.
«Aýyl mektepterin damytýǵa baǵyttalǵan jumystar júieli túrde júrgizilýde. Eldiń ár óńirinde túrli jobalar iske asyrylyp, aýyldyq jerlerde zamanaýi mektepter salynyp, olardyń materialdyq-tehnikalyq bazasy jańartylýda. Degenmen, sapaly bilim berý úshin eń aldymen pedagogterdiń biliktiligin arttyrý mańyzdy. Osy turǵyda «Aýyldyq mektep shamy» pilottyq jobasy aýyl mektepteriniń áleýetin kóterýge arnalǵan mańyzdy bastamalardyń biri. Jobanyń qorytyndy konferentsiiasynyń Qazaq ulttyq qyzdar pedagogikalyq ýniversitetinde ótýi de erekshe mánge ie, sebebi bul ýniversitet bilikti pedagogterdi daiarlaý isinde jetekshi oryn alady», – dep atap ótti QR Oqý-aǵartý ministrligi Orta bilim berý komiteti tóraǵasynyń orynbasary Jomart Karambaev.
Foto: QyzPU
«Aýyldyq mektep shamy» jobasy Almatydaǵy IýNESKO-nyń Óńirlik keńsesiniń jáne Qazaqstan Respýblikasynyń IýNESKO jáne ISESKO isteri jónindegi Ulttyq komissiiasynyń qoldaýymen júzege asyryldy. Sonymen qatar jobaǵa HertsCam kásibi qaýymdastyǵy (Kembridj, Ulybritaniia), Qazaq ulttyq qyzdar pedagogikalyq ýniversiteti (muǵalimderdi sertifikattaý jónindegi jaýapty uiym) jáne TeachersLab táýelsiz platformasy (fasilitatorlardy qoldaý jónindegi jaýapty uiym) qatysty.
«Bul joba Qazaqstan Respýblikasynyń IýNESKO jáne ISESKO isteri jónindegi Ulttyq komissiiasynyń qarjylyq qoldaýymen óz jumysyn bastady. Jobanyń basty ereksheligi – aýyldyq mektepterde muǵalimderdiń kóshbasshylyǵyn damytý arqyly kásibi qaýymdastyqtar qurý. Iaǵni, muǵalimder jyl boiy mektep ishinde belgili bir máseleni tańdap, kásibi orta qalyptastyryp, ony talqylap, sheshýdiń túrli joldaryn izdestirdi. Joba aiasynda túrli múmkindikter qarastyryldy. Mysaly, mektep ishinde arnaiy daiyndalǵan fasilitatorlar bar. Olar sessiialardy uiymdastyryp, muǵalimderge kásibi máselelerin talqylaýǵa kómektesedi jáne tiimdi sheshimder tabýǵa baǵyttaidy. Muǵalimder zertteý ádisterin qoldana otyryp, óz jobalaryn ázirlep, iske asyrdy. Búgingi konferentsiiada osy jobalar usynylyp otyr», – deidi IýNESKO-nyń Almatydaǵy Óńirlik keńsesiniń bilim berý baǵdarlamasy boiynsha ulttyq mamany Meiirgúl Alpysbaeva.
Konferentsiia sońynda muǵalimder ózderiniń shaǵyn zertteý jumystaryn posterlik sessiia formatynda tanystyrdy. Bul zertteýler qazaq, orys jáne aǵylshyn tilderin úiretý, oqýshylardyń oqý daǵdylaryn damytý, pánge degen qyzyǵýshylyǵyn arttyrý sekildi taqyryptardy qamtydy.
«Aýyldyq mektep shamy» – aýyldyq bilim berý júiesin jaqsartýǵa baǵyttalǵan mańyzdy joba. Bul konferentsiia aýyl muǵalimderiniń óz isine shynaiy berilgendigin, jańa ádisterdi meńgerýge daiyn ekendigin kórsetti.
