Politseiler Úshtóbe qalasyndaǵy zirattardy qiratty degen kúdikke ilingen turǵyndy ustady, – dep habarlaidy "Ult aqparat" Polisia.kz saityna silteme jasap.
Psihikasynyń buzylýynan zardap shegetin Úshtóbe qalasynyń 34 jastaǵy turǵyny jerleý oryndaryn qiratty degen kúdikke ilindi. Ustalǵan adamnyń qylmysqa qatystylyǵy kýágerlerdiń aiǵaqtarymen jáne is boiynsha taǵaiyndalǵan saraptamanyń nátijelerimen rastalady.
Zirattardy qorlaý qylmysy 16 qańtarda oryn alǵany anyqtaldy. 14 jerleý orny búlingen jáne qiraǵan, olardyń metall qorshaýlary qiratylyp, aǵash jáne temir krestter syndyrylǵan. Qulpytas jazbalary men eskertkish gúl shoqtary jan-jaqqa shashylǵan. Kúdiktiniń áreketinen zardap shekken zirattar qorymnyń shet jaǵynda ornalasqan. Qaitys bolǵandardyń týystaryna habar berildi. Tekserý barysynda urlyq derekteri anyqtalǵan joq.
Kúdiktiniń 60 jastaǵy anasy qala turǵyndarynan bala kezinen aýyr psihikalyq aýytqýdan zardap shegetin ulynyń áreketi úshin keshirim surady.
Qaratal aýdanynyń politsiia qyzmetkerleri QR Qylmystyq kodeksiniń 294-baby “Taǵylyq” deregi boiynsha sotqa deiingi tergeý amaldaryn jalǵastyrýda. Kúdiktiniń psihikalyq jai-kúiin eskere otyryp, ustalǵan adam oblystyq psihonevrologiialyq dispanserge ornalastyrdy. Derek boiynsha tergeý is-sharalary erekshe baqylaýda.
