Bilim jáne ǵylym ministri Ashat Aimaǵambetov úshinshi toqsannan bastap UBT jáne memlekettik emtihan tapsyratyn pánder dástúrli formatta oqytylatynyn málim etti, dep habarlaidy "Ult aqparat".
«Úshinshi toqsannan bastap 9 ben 11-synyp oqýshylarynyń 70 paiyzy dástúrli formatta oqidy. Ásirese UBT jáne memlekettik emtihan tapsyratyn pánder, sonymen qatar qiyndyq týdyryp otyrǵan pánder de dástúrli formatta oqytylady. Sondyqtan bul másele boiynsha sabaq kestesine deiin ádistemelik usynymdardy daiyndap, búgin jiberemiz. Úshinshi toqsannan bastap talqylanǵan tártip boiynsha jumys júrgizemiz», - deidi Ashat Aimaǵambetov Bilim jáne ǵylym ministrliginiń apparat otyrysynda.
Onyń aitýynsha, gimnaziialyq, litseilik komponent boiynsha qosymsha ótetin saǵattar bar.
«Mine sol saǵattardyń negizinde de jalaqy tólenedi. Sondyqtan bul másele boiynsha mekteptiń ózderi aqyldasyp, tiisti sheshim qabyldaýyna bolady. Muny durys túsinip, uiymdastyrý kerek. Kolledjderdegi, joǵary oqý oryndaryndaǵy birinshi kýrs stýdentteri boiynsha taiaýda núkte qoiylady. Áli bir ai ýaqyt bar. Kelgen ortaq sheshim boiynsha oqýdy uiymdastyrasyzdar», - dedi ol.
Eske salaiyq, oqý jylynyń III toqsanynan bastap bitirýshi synyptar (9,11,12 synyptar) sanitarlyq-epidemiologiialyq talaptar saqtala otyryp, aralas oqytý (pánderdiń 70%-yn – dástúrli formatta, 30%-yn – qashyqtan) formatyna kóshiriledi.
