Foto: instagram.com/nemolchikz_official
NeMolchi.kz qory Almatyda 20 jastaǵy boijetkendi 7 qyz bopsalaǵanyn jáne olardan qashý úshin jas qyz úshinshi qabattyń terezesinen sekirip, aýrýhanaǵa túskenin málimdedi, - dep jazady Tengrinews.kz.
NeMolchi.kz Uzynaǵash aýylynyń 20 jastaǵy týmasy aiaq-qoly men omyrtqasynyń synýyna bailanysty aýyr jaraqattarmen aýrýhanada jatqanyn habarlady. Qor málimetinshe, 16 mamyrda 7 qyz 20 jastaǵy boijetkendi páterge kirgizip, uryp-soqqan. Odan bólek 100 000 teńge bopsalap, taýyp bermeitin bolsa, seksýaldyq quldyqqa satatynyn aityp qorqytqan. Qorlaý men zorlaýdan qutylý úshin qyz úshinshi qabattaǵy terezeden sekirip, jaraqat alǵan. Qor jábirlenýshige qajetti meditsinalyq kómek kórsetýdi, sondai-aq kinálilerdi jaýapkershilikke tartýdy suraidy.
Al Almaty Politsiia departamenti atalǵan derek boiynsha qylmystyq is qozǵalyp, Almaly aýdandyq politsiia bóliminde tergeý júrgizilip jatqanyn habarlady.
"Qazirgi ýaqytta is júrgizý aiasynda jan-jaqtylyq, tolyqtyq jáne obektivtilik qaǵidattaryn qatań saqtai otyryp, qajetti tergeý áreketteri júrgizilip jatyr. Tergeý barysy Almaty qalalyq politsiia departamenti basshylyǵynyń baqylaýynda", - dedi PD baspasóz qyzmeti ókilderi.
