Májilis depýtaty Asqar Sadyqov qazaqstandyq ushaqtarmen bolatyn áýe apattary qoǵamǵa jariialanbai otyrǵanyna narazylyq bildirdi, dep habarlaidy «Ult Aqparat».
Depýtattyń aitýynsha, «Fly Arystan» qazaqstandyq áýe tasymaldaýshysynyń ushaǵy Deli qalasynyń áýejaiynda ushý-qoný jolaǵynan shyǵyp ketip, «Air India» áýe kompaniiasynyń ushaǵyna soqtyǵysa jazdaǵan. Úndi ushqyshtarynyń qyraǵylyǵy ǵana áýe apatynyń aldyn alǵan.
Keiin buqaralyq aqparat quraldarynda 2023 jyldyń sońynda Taraz qalasynyń áýejaiy aýmaǵynda eki qazaqstandyq ushaqtyń áýede soqtyǵysyp qala jazdaǵany týraly habarlanǵan. Sáti túsip, adamdar bul apatta aman qaldy.
"Bárinen de jumǵan aýyzdaryn ashpai, bolǵan jáitti qoǵamǵa habarlamai otyrǵan áýe apattary men qaqtyǵystaryn zertteitin ókiletti organ - QR Kólik ministrliginiń ustanymy narazylyq týdyrady", - dedi A.Sadyqov depýtattyq saýalynda.
Depýtat áýe apattary men qaqtyǵystaryn obektivti túrde tergeýge keri yqpal etip, apattar týraly aqparatty jasyrýǵa alyp kelip jatqan sebepti aitty.
"Qazirgi ýaqytta azamattyq aviatsiiada áýe apattary men qaqtyǵystardy tergeý boiynsha memlekettik fýnktsiialardy atqarý QR Kólik ministrliginiń Áýe apattarymen qaqtyǵystaryn zertteý basqarmasyna júktelgen. Oǵan qosa Kólik ministrligi qaramaǵynda azamattyq aviatsiia salasyndaǵy ózge de fýnktsiialardy atqaratyn Azamattyq aviatsiia komiteti men “Qazaqstannyń aviatsiialyq ákimshiligi” organdary bar. Iaǵni, Kólik ministrliginiń qyzmetinde bul máselede naqty múdde qaqtyǵysy týyndaidy", - dedi depýtat.
"Aq jol" partiiasy fraktsiiasy depýtaty azamattyq aviatsiiadaǵy áýe apaty men qaqtyǵystaryn tergeý boiynsha memlekettik fýnktsiialardy Kólik ministrliginen táýelsiz organy - Tótenshe jaǵdai ministrligine berý qarastyrýdy usynyp otyr.
