QR Aqparat jáne qoǵamdyq damý ministri Dáýren Abaev Nur-Sultan men Almaty qalasy arasynda ushaqpen ushatyn jolaýshy qandai sharttardy oryndaýy kerektigin málim etti, dep habarlaidy "Ult aqparat".
«Nur-Sultan men Almaty qalalary arasynda birinshi kezeńde kúnine 4 reis jasaý josparlanýda. Onyń ishinde eki reis «Eir Astana», bir reis «Flai Arystan», bir reis «Skat» kompaniialaryna tiesili. Olar bilet qunyn karantinge deiingi deńgeide ustaý mindetti. Al jaǵdai túzelgen saiyn reis sanyn, ushaq syiymdylyǵyn arttyrý máselesi qarastyrylady. Áýe tasymaly, kóliktegi bas sanitralyq dáriger bekitken kúsheitilgen sanitarlyq talaptar arqyly jasalady. Ushý úshin jolaýshyda COVID-19 belgisi joq ekenin rastaityn anyqtama bolýy kerek», - dedi Dáýren Abaev «Habar24» arnasyndaǵy onlain baspasóz máslihatynda.
Ministrdiń aitýynsha, anyqtamanyń jaramdylyq merzimi pysyqtalyp jatyr.
«Jolaýshyda jeke qorǵanysh quraldaryn qoldanyp, maska, qolǵap kiiýi kerek. Tiisti qashyqtyqty saqtaýy qajet. Áýejaida jáne ushaqta kúsheitiletin dezinfektsiia jasalady», - dedi ol.
Eske sala ketsek QR Prezidenti Qasym-Jomart Toqaev Tótenshe jaǵdai rejimin biylǵy 11 mamyrǵa deiin uzartý týraly Jarlyq shyǵarý jóninde sheshim qabyldady. Bul týraly Memleket basshysy búgingi málimdemesinde aitqan bolatyn.
Sonymen qatar Úkimet 1 mamyrdan bastap elorda men Almaty arasyndaǵy reisterdi ashatyn boldy.
