Qazaqstannyń bas memlekettik sanitar dárigeri Aijan Esmaǵambetova qyzmetkerler men jolaýshylar úshin COVID-19-ǵa testinen ótkeni týraly anyqtamanyń bolýy talabyn qaita qarastyrý týraly Qazaqstannyń aviatsiialyq ákimshiliginiń usynysyna jaýap berdi, dep habarlaidy "Ult aqparat".
«Búginde biz infektsiianyń jańa túrimen kúresip jatyrmyz. Osy jáne basqa talaptarǵa qatysty uzaq daýlasýymyz múmkin. Tiisti talaptardy ázirlei otyryp, biz halyqaralyq tájiribeni nazarǵa alamyz. Sonymen qatar qańtar aiynan bastap ózimizde jinaqtalǵan tájiribeni de eskeremiz», - dedi A. Esmaǵambetova onlain baspasóz máslihatynda.
«Ushaq máselesine toqtalsaq, onyń salonyndaǵy keńistik shekteýli. Osy oraida indet juqtyrý qaýpi bar. Biz osy jaǵdaiǵa basqasha qaraýymyz kerek. Indet juqtyrǵan adamnyń janyna basqa jolaýshylardyń otyrǵysy kelmeitini túsinikti. Sondyqtan bizdiń maqsat – ol mundai jaǵdailarǵa tosqaýyl qoiyp, áýe sapary kezinde jolaýshylardyń infektsiiaǵa shaldyǵýyna jol bermeý. Jaǵdaidyń turaqtanýyna qarai, birtindep bul normany biz qaita qaraýymyz múmkin. Bizdiń sharalar birinshi kezekte indettiń juǵýyn aldyn alýǵa baǵyttalǵan», - dedi Qazaqstannyń bas memlekettik sanitar dárigeri.
