Ushaqpen ushatyn jolaýshylarǵa koronavirýstyń bar-joǵyn anyqtaityn testtiń baǵasyna jeńildik jasalady, dep habarlaidy QazAqparat.
«1 mamyrdan bastap Qazaqstandaǵy iri qalalar arasynda ushaq usha bastady. Bas memlekettik sanitarlyq dárigerdiń talaby boiynsha, jolaýshydar ushý aldynda mindetti túrde PTR test tapsyrýlary kerek. Bul ushý barysynda jolaýshylar men ekipaj músheleri úshin aýrý juqtyrý qaýpin tómendetý úshin qajet», - deidi «Olimp» klinikalyq-diagnostikalyq zerthanalar jelisiniń marketing jáne innovatsiialar jóninde direktory Aleksei Balas.
Onyń aitýynsha ushaqpen ushatyn jolaýshylar úshin jeńildik jasalady.
«Biz jolaýshylarǵa qadam jasap, áýe biletterine diskontty kartamen esepteletin jeńildik jasadyq. Sonymen búgingi tańda testtiń quny barlyq jeńildikti, biomaterialdy qosa alǵanda 14 346 teńgeni quraidy. Al bala, múmkindigi shekteýli adam, zeinetker siiaqty áleýmettik jeńildigi bar jolaýshylar úshin taǵy 5% jeńildik qosylyp, test quny biomaterialdy qosa alǵanda 13 549 teńge bolady», - deidi ol.
