Ushaq salynyp jatqan úige qulady. Ol jerde eshkim bolǵan joq. Bul týraly Almaty qalalyq TJD basshysynyń orynbasary Erlan Álibekov aitty, dep habarlaidy "Ult aqparat".
Erlan Álibekovtyń aitýynsha, apat bolǵan jerde Almaty jáne Almaty oblysynyń TJD, PD, Ulttyq gvardiia, jedel qutqarý toby, apattar meditsina ortalyǵynyń qyzmetkerleri jumyldyryldy. Barlyǵy 776 adam men 119 tehnika jumys istedi. Sondai-aq, Almaty qalasynyń 35 jedel járdem kóligi tartyldy.
Oqiǵa ornyna jedel qutqarý jumystary uiymdastyryldy.
«Ushaqtaǵy 88 adamǵa kómek kórsetildi. Olardy ushaqtan shyǵardyq. Qazirgi ýaqytta aýrýhanada 42 adam jatyr, onyń 8 bala. Taǵyda aita ketetin jáit, eshqandai jarylys bolǵan joq. Eger ushaq jarylǵan bolsa, onda adamdardy aman alyp qalý múmkin bolmas edi. Bul jańadan salynyp jatqan úi bolatyn. Abyroi bolǵanda onyń ishinde eshkim bolǵan joq», - dedi Almaty qalalyq TJD basshysynyń orynbasary Erlan Álibekov.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy. Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty. Osy apatqa qatysty shuǵyl jeli iske qosylǵan.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi. Elbasy Nur-Sultan Nazarbaev jolaýshylar ushaǵynyń apatqa ushyraýyna bailanysty kóńil aitty.
