ۇشاق سالىنىپ جاتقان ٷيگە قۇلادى. ول جەردە ەشكٸم بولعان جوق. بۇل تۋرالى الماتى قالالىق تجد باسشىسىنىڭ ورىنباسارى ەرلان ەلٸبەكوۆ ايتتى, دەپ حابارلايدى "ۇلت اقپارات".
ەرلان ەلٸبەكوۆتىڭ ايتۋىنشا, اپات بولعان جەردە الماتى جەنە الماتى وبلىسىنىڭ تجد, پد, ۇلتتىق گۆاردييا, جەدەل قۇتقارۋ توبى, اپاتتار مەديتسينا ورتالىعىنىڭ قىزمەتكەرلەرٸ جۇمىلدىرىلدى. بارلىعى 776 ادام مەن 119 تەحنيكا جۇمىس ٸستەدٸ. سونداي-اق, الماتى قالاسىنىڭ 35 جەدەل جەردەم كٶلٸگٸ تارتىلدى.
وقيعا ورنىنا جەدەل قۇتقارۋ جۇمىستارى ۇيىمداستىرىلدى.
«ۇشاقتاعى 88 ادامعا كٶمەك كٶرسەتٸلدٸ. ولاردى ۇشاقتان شىعاردىق. قازٸرگٸ ۋاقىتتا اۋرۋحانادا 42 ادام جاتىر, ونىڭ 8 بالا. تاعىدا ايتا كەتەتٸن جەيت, ەشقانداي جارىلىس بولعان جوق. ەگەر ۇشاق جارىلعان بولسا, وندا ادامداردى امان الىپ قالۋ مٷمكٸن بولماس ەدٸ. بۇل جاڭادان سالىنىپ جاتقان ٷي بولاتىن. ابىروي بولعاندا ونىڭ ٸشٸندە ەشكٸم بولعان جوق», - دەدٸ الماتى قالالىق تجد باسشىسىنىڭ ورىنباسارى ەرلان ەلٸبەكوۆ.
ايتا كەتەيٸك, بٷگٸن تاڭدا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتتٸ.
كەيٸن 95 جولاۋشىسى جەنە 5 ەكيپاج مٷشەسٸ بار ۇشاقتىڭ اپاتقا ۇشىراعانى مەلٸم بولدى. وقيعانىڭ مەن-جايىن انىقتاۋ ٷشٸن ۇشاق قۇلاعان اۋماققا ارنايى كوميسسييا ۇشىپ شىقتى. وسى اپاتقا قاتىستى شۇعىل جەلٸ ٸسكە قوسىلعان.
قر پرەزيدەنتٸ قاسىم-جومارت توقاەۆ ۇشاق اپاتىنا كٸنەلٸلەر زاڭعا سەيكەس قاتاڭ جازالاناتىنىن مەلٸمدەدٸ. ەلباسى نۇر-سۇلتان نازارباەۆ جولاۋشىلار ۇشاعىنىڭ اپاتقا ۇشىراۋىنا بايلانىستى كٶڭٸل ايتتى.
