QR Investitsiialar jáne damý ministri Jeńis Qasymbektiń aitýynsha, kelesi jyldan bastap Qazaqstan azamattyq aviatsiiany tolyǵymen otandyq kerosinmen qamtamasyz etse, ushaq biletteriniń baǵasy arzandaýy ábden múmkin, dep xabarlaidy QazAqparat.
«Bizge jyl saiyn 800 myń tonna aviakerosin kerek. Qazirgi kezde Qazaqstandaǵy úsh munai óńdeý zaýyty tek 300 myń tonnany berip otyr. Sol sebepti Reseiden satyp alýǵa májbúrmiz. Ol ónimniń baǵasy 30-40 paiyzǵa qymbat. Al osynyń bárin ózimiz óndirsek, bilettiń baǵasy da arzandaidy. Sebebi bilettiń baǵasynyń 30-35 paiyzy - kerosinniń quny. Demek, kerosinniń baǵasy tússe, bilettiń quny da arzandaidy», - dep atap kórsetti Qasymbek jýrnalisterge bergen suxbatynda.
Aita keteiik, otyrys barysynda ministr kelesi jyldan bastap azamattyq aviatsiia otandyq kerosinmen tolyǵymen qamtamasyz etiletinin jetkizdi.
