Almaty jáne Almaty oblysyndaǵy meditsinalyq uiymdar ushaq apatynan zardap shekkenderdi qabyldaýǵa jáne azamattarǵa qajetti meditsinalyq kómek kórsetýge daiyn, dep habarlady QR Densaýlyq saqtaý ministrliginiń baspasóz qyzmeti.
Qazaqstan Respýblikasy Densaýlyq saqtaý ministrligi Almaty oblysyndaǵy ushaq apaty kezinde qaza bolǵandardyń týǵan-týystary men jaqyndaryna qaiǵyryp, kóńil aitady.
Almaty men Almaty oblysynyń Jedel meditsinalyq járdem brigadalary oqiǵa ornyna 15 minýt ishinde jetti.
Apat kezinde zardap shekkenderge jedel meditsinalyq kómek kórsetý úshin 51 jedel meditsinalyq kómek brigadasy jumyldyryldy.
Almaty oblysy men Almaty qalasyndaǵy statsionarlarlar zardap shekkenderge kómek kórsetedi.
Aldyn ala málimet boiynsha, 8 adam oqiǵa ornynda qaza tapty, 2 adam tasymaldaý kezinde kóz jumdy, 2 adam aýyr jaraqat saldarynan aýrýhanada qaitys boldy.
Almaty qalasyndaǵy aýrýhanalarǵa zardap shekken 53 adam jatqyzyldy, onyń 9-y bala.
Saǵat 12.50-degi málimet boiynsha, dárigerler 10 adamnyń jaǵdaiyn óte aýyr dep baǵalap otyr. Patsientterge meditsinalyq kómek kórsetý úshin qajetti resýrstar jetkilikti jáne respýblikalyq ortalyqtardan mamandar shaqyryldy.
Aita ketý kerek, zardap shekken azamattarǵa kómek retinde shuǵyl qan tapsyrýdyń qajeti joq.
Qazir Nur-Sultan qalasynan sanitarlyq aviatsiia bortymen Ulttyq neirohirýrgiia ortalyǵy men travmatologiia ǴZI mamandary jolǵa shyqty.
Almaty jáne Almaty oblysynyń meditsinalyq uiymdary zardap shekkenderdi qabyldaýǵa, barlyq qajetti meditsinalyq kómek kórsetýge daiyn. Meditsinalyq uiymdar tolyq dári-dármektermen jáne qan komponentterimen qamtamasyz etilgen.
Zardap shekkender men qaza tapqandardyń otbasylarymen 40 psiholog jumys isteýde.
