Foto: Mańǵystaý oblysy ákimdigi
Mańǵystaý oblysynda ushaq apatynan qaza tapqandar qurmetine Kaspii teńizine gúl shoqtary jiberildi, dep habarlaidy oblys ákimdiginiń baspasóz qyzmeti.
26 jeltoqsan kúni Aqtaý, Quryq jáne Baýtino porttarynda ushaq apatynan qaza tapqandardy eske alý jáne olarǵa qurmet belgisi retinde Kaspii teńizine aza tutý gúl shoqtary jiberildi
Teńizshiler bul jalpyǵa ortaq qasiret ekenin jetkizdi.
"Bul - jantúgershilik ushaq apatynan qaza tapqandardyń barlyǵyna qurmet belgisi bolmaq. Bul sońǵy jyldardaǵy eń qaiǵyly oqiǵalardyń biri, birneshe adam qaitys boldy. Olardyń qatarynda balalar da bar. Qaitys bolǵandardyń jaqyndarynyń sezimderi túsinikti, biz sizdermen birgemiz. Biz qamkóńil jandardyń qaiǵysyna ortaqpyz", - dep atap ótti eske alý sharasyna qatysýshylar.
Quryq portyndaǵy ázirbaijandyq "Zarifa Aliyeva" paromynda da osyndai rásim ótti, onda kásiporyn qyzmetkerleri, aýdan ákimdigi jáne BAQ ókilderi jinaldy. "Quryq Port" JShS direktory Serik Ahmetov ushaq apatyn búkil eldi dúr silkindirgen qaiǵyly oqiǵa dep atady. Ol qaza tapqandardyń otbasylaryna kóńil aitty.
Osyndai is-shara Baýtino portynda da ótti, onda ondaǵan adam jinaldy. Olar bir minýt únsizdikpen qaza tapqandardy eske alyp, aimaq turǵyndary, onyń ishinde teńizshiler de zardap shekkenderge kez kelgen ýaqytta barlyq qoldaý kórsetýge daiyn ekenin atap ótti.
