Ult portalynyń ujymy Informburo.kz internet portalynyń redaktsiiasyna Bek Air ushaǵynda bolǵan shyǵarýshy redaktor Dana Krýglovanyń qaza bolýyna bailanysty kóńil aitady.
Dana Krýglova 1984 jyly 8 sáýirde týǵan. E. Bóketov atyndaǵy Qaraǵandy memlekettik ýniversitetin jýrnalistika mamandyǵy boiynsha támamdaǵan.
Eńbek jolyn 2016 jyly Informburo.kz portalynda reporter bolyp bastaǵan. 2019 jyldyń basynda shyǵarýshy redaktor bolyp aýysty.
Aita keteiik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy. Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty. Osy apatqa qatysty shuǵyl jeli iske qosylǵan.
QR Prezidenti Qasym-Jomart Toqaev ushaq apatyna kináliler zańǵa sáikes qatań jazalanatynyn málimdedi. Elbasy Nur-Sultan Nazarbaev jolaýshylar ushaǵynyń apatqa ushyraýyna bailanysty kóńil aitty.
