27 jeltoqsan kúni ushaq apatynan zardap shekken balalardyń jaǵdaiy jaqsaryp keledi. Bul týraly Almaty qalalyq balalarǵa shuǵyl kómek kórsetý ortalyǵynyń bas dárigeri Abai Qusaiynov aitty, dep habarlaidy "Ult aqparat".
«Balalar klinikasynda 7 bala jatyr. Barlyǵynyń jaǵdaiy jaqsaryp keledi. Emdi tolyq kólemde qabyldaýda. Psihologiialyq jaǵdaiy da turaqty. Erteń biz taǵy da analiz alamyz», - dedi ol.
Bas dáriger onyń qorytyndysy daiyn bolǵan soń, birneshe balanyń úiine shyǵarylatynyn tilge tiek etti.
Onyń aitýynsha, eki bala ambýlatoriialyq emge jiberildi.
«Balalardyń arasynda bir otbasynan tórt adam bar. Barlyǵy - Almatydan. Olardyń keibireýine ota jasaldy», - dep tolyqtyrdy Abai Qusaiynov.
Buǵan deiin ekinshi ushqyshtyń jansaqtaý bóliminen palataǵa aýystyrylǵany týraly jazǵan bolatynbyz.
