27 جەلتوقسان كٷنٸ ۇشاق اپاتىنان زارداپ شەككەن بالالاردىڭ جاعدايى جاقسارىپ كەلەدٸ. بۇل تۋرالى الماتى قالالىق بالالارعا شۇعىل كٶمەك كٶرسەتۋ ورتالىعىنىڭ باس دەرٸگەرٸ اباي قۇسايىنوۆ ايتتى, دەپ حابارلايدى "ۇلت اقپارات".
«بالالار كلينيكاسىندا 7 بالا جاتىر. بارلىعىنىڭ جاعدايى جاقسارىپ كەلەدٸ. ەمدٸ تولىق كٶلەمدە قابىلداۋدا. پسيحولوگييالىق جاعدايى دا تۇراقتى. ەرتەڭ بٸز تاعى دا اناليز الامىز», - دەدٸ ول.
باس دەرٸگەر ونىڭ قورىتىندىسى دايىن بولعان سوڭ, بٸرنەشە بالانىڭ ٷيٸنە شىعارىلاتىنىن تٸلگە تيەك ەتتٸ.
ونىڭ ايتۋىنشا, ەكٸ بالا امبۋلاتورييالىق ەمگە جٸبەرٸلدٸ.
«بالالاردىڭ اراسىندا بٸر وتباسىنان تٶرت ادام بار. بارلىعى - الماتىدان. ولاردىڭ كەيبٸرەۋٸنە وتا جاسالدى», - دەپ تولىقتىردى اباي قۇسايىنوۆ.
بۇعان دەيٸن ەكٸنشٸ ۇشقىشتىڭ جانساقتاۋ بٶلٸمٸنەن پالاتاعا اۋىستىرىلعانى تۋرالى جازعان بولاتىنبىز.
