8 qarashada Halyqaralyq saýda palatasynyń janyndaǵy Tórelik tribýnal «Mağdenli Yer Hizmetleri ve Taşima Anonim Şirketi» túrik kompaniiasynyń Qazaqstan Respýblikasyna qarsy bergen barlyq talaptaryn qabyldamaý boiynsha sheshim shyǵardy, dep habarlaidy QR Ádilet ministrliginiń baspasóz qyzmeti.
2015 jylǵy naýryz aiynda «Atyraý» ÁKK» AQ-men birlestikte «ATMA» Atyraý áýejaiy jáne tasymaldaý» AQ-nyń quryltaiyshysy bolyp tabylatyn kompaniia Qazaqstan Respýblikasyna qarsy tórelik protseske bastama jasady.
2018 jylǵy 4 shildede Parij qalasyndaǵy Halyqaralyq saýda palatasynda negizgi tyńdaýlar ótti.
«Mağdenli Yer Hizmetleri ve Taşima Anonim Şirketi» túrik kompaniiasy Atyraý halyqaralyq áýejaiyn qurý arqyly janarmai jetkizý, júk qyzmeti jáne tikushaqtarǵa qyzmet kórsetý boiynsha qyzmetterdi ekspropriatsiialaý boiynsha is-sharalardy júzege asyrdy dep Qazaqstan Respýblikasyn aiyptap, sondai-aq Qazaqstan Respýblikasy Talapkerdiń «ATMA» Atyraý áýejaiy jáne tasymaldaý» AQ-ǵa salǵan qosymsha investitsiialaryn óteýi kerek dep talap etti.
Talaptardyń somasy 16 mln. AQSh dollaryn jáne paiyzdar men tórelik shyǵyndardy qurady.
Taraptardyń dálelderdin zerdelep, Tribýnal Talapkerdiń barlyq talaptaryn qabyldamai tastady. Tribýnaldyń qoryta aitqany, Qazaqstannyń memlekettik organdary janarmai jetkizý, júk qyzmeti jáne tikushaqtarǵa qyzmet kórsetý boiynsha qyzmetterdi ekspropriatsiialaý boiynsha, sondai-aq talapkerge qosymsha investitsiialardy qaitarýda kedergi jasap, eshqandai áreket jasamady.
Sonymen qatar, Tórelik tribýnaldyń atap ótkeni, qazaqstandyq sot júiesi sheteldik investorlardyń quqyqtaryn buzbai, zańdylyq jáne ádildik qaǵidattaryna sáikes áreket etti.
Budan basqa, Tribýnal Qazaqstan Respýblikasynyń Talapkerge qosymsha investitsiialardy óteý boiynsha qandai da bir mindettemeleri joq dep qaýly etip, Qazaqstan sheteldik investitsiialardy qorǵaý boiynsha halyqaralyq mindettemelerin tolyqtai oryndady degen qorytyndyǵa keldi.
Osylaisha, Tribýnal Talapker shamamen 500 000 AQSh dollaryn quraityn somaǵa jumysty uiymdastyrý úshin jumsalǵan jáne tórelik shyǵyndardy kóterýi kerek dep qaýly etti.
Qazaqstan Respýblikasynyń Ádilet ministri Marat Beketaevtyń aitýynsha, «Tórelik tribýnaldyń sheshimi Qazaqstannyń aýmaǵynda sheteldik investorlardy jan-jaqty qoldaý saiasatyn burynǵysha ustanatyn Qazaqstan Respýblikasynyń pozitsiiasyn tolyqtai rastaidy».
