Foto: Aqordanyń baspasóz qyzmeti
Bes ai ishinde úsh myńnan astam azamat Konstitýtsiialyq sotqa júgingen. Ótinishterdiń jartysyna jýyǵy sot sheshimimen kelispeýge qatysty. Bul týraly Konstitýtsiialyq sottyń tóraǵasy Elvira Ázimova málimdedi, dep habarlaidy Sputnik Qazaqstan.
Parlament palatalarynyń birlesken otyrysynda Ázimova Konstitýtsiialyq sottyń "Qazaqstan Respýblikasyndaǵy konstitýtsiialyq zańdylyqtyń jai-kúii týraly" joldaýyn tanystyrdy.
"Bes ai ishinde úsh myńnan astam azamat óz quqyqtaryn konstitýtsiialyq qorǵaýǵa júgindi. Bul sandar azamattardyń jańa organǵa degen jai ǵana qyzyǵýshylyǵy emes, ótinish berýshilerdiń árqaisysynyń óz quqyqtaryn qorǵaý nietin rastaidy. Bul rette Qazaqstan zańnamasynda Konstitýtsiialyq sotqa júgingenge deiin quqyqtyq qorǵaýdyń barlyq basqa quralyn qoldaný týraly talap joq", - deidi Ázimova.
Aitýynsha, kelip túsken ótinishterdiń jartysyna jýyǵy (shamamen 41%) sot sheshimderimen kelispeýge qatysty. Bul rette Konstitýtsiialyq sot sot sheshimderine baǵa berýge quqyly emes.
Azamattardan kelip túsken ótinishterdiń bir bóligi sot aktileriniń oryndalmaýyna, turǵyn úi jáne eńbek qatynastaryna, áleýmettik qorǵaýǵa, jazalardyń oryndalýyna, aqparatqa qol jetkizýge, jeke tulǵalardyń bankrottyǵyna jáne taǵy basqalarǵa qatysty.
Ótinishterdiń tórtten birinde ǵana (26%) azamattar zańdar men basqa da normativtik quqyqtyq aktilerdiń konstitýtsiialylyǵyn tekserýdi suraǵan.
"Óńirler arasynda eń kóp ótinish Astana, Almaty qalalary men Qostanai oblysynyń turǵyndarynan kelip tústi. Ótinishterdi qaraý qorytyndysy boiynsha Konstitýtsiialyq sot respýblikadaǵy konstitýtsiialyq zańdylyqtyń jai-kúii týraly jyl saiynǵy joldaýyn usynýǵa mindetti. Sonymen qatar, qoǵamnyń jańadan qurylǵan konstitýtsiialyq baqylaý organynyń jumysyna qyzyǵýshylyǵyn eskere otyryp, osy jyldy eskerýsiz qaldyrmai, nazarlaryńyzǵa qyzmet bastalǵannan bergi alǵashqy bes aiǵa joldaýdy usyný týraly sheshim qabyldandy", - dedi Konstitýtsiialyq sot tóraǵasy.
Aitýynsha, azamattar Konstitýtsiialyq sotqa júgine otyryp, ádildik pen zańdylyqty ornatýǵa járdemdesedi.
