QR Aqparat jáne qoǵamdyq damý ministri Dáýren Abaev úsh qaladaǵy shekteý sharalary komendanttyq saǵat bolmasa da, biliktiń qaýipsizdik boiynsha barlyq sharasyn ustaný kerektigin aityp ótti, dep habarlaidy "Ult aqparat".
«Virýstyń el ishinde taraýy ósip kele jatyr. 28 naýryzdan bastap respýblikalyq mańyzy bar úsh qalada jańa shekteý sharalary kúshine enedi. Búgin Úkimet jariialaǵan Nur-Sultan, Almaty jáne Shymkent qalalaryna qatysty shekteýler – komendanttyq saǵat emes. Biraq ol talaptardy qatań saqtaý kerek», - dedi Dáýren Abaev «Habar 24» arnasynda onlain rejimde ótken brifingte.
Ministr halyqqa saqtyq sharalaryn oryndaýdy ótindi.
«Úide bolyńyzdar! Aman bolaiyq. Erteń Nur-Sultan qalasynyń Densaýlyq saqtaý basqarmasy kóz jumǵan áielge qatysty aqparatty beredi. Bul jaǵdai – koronavirýs infektsiiasynyń qaýpin taǵy bir eske salyp otyr. Qazir bolyp jatqan jaǵdai – bárimiz úshin synaq. Oqshaýlaný boiynsha biliktiń barlyq talabyn oryndaý kerek», - dedi ministr.
