Elordanyń politsiia departamenti 26 naýryz kúni úsh avtobýs soqtyǵysqan jol apatynyń sebebin atady, dep habarlaidy Sputnik Qazaqstan.
Politsiia departamenti basshysynyń orynbasary Ǵaziz Nurqaevtyń aitýynsha, №303 avtobýstyń júrgizýshisi esinen tanyp qalǵan.
"Biz qylmystyq is qozǵadyq. Sot-meditsina saraptamasyna sáikes, №303 avtobýstyń júrgizýshisi Ospanov esinen tanǵan. Saldarynan jol-kólik apaty boldy. Tergeý 26 maýsymǵa deiin jalǵasady", - dedi Nurqaev elordada ótken baspasóz máslihatynda.
Saraptamaǵa sáikes, avtobýs júrgizýshisiniń júregi aýyrǵan. Sol kúni júregi syr berip, qan ainalymy baiaýlaǵan. Miǵa qan barmaǵandyqtan, júrgizýshi esinen tanyp qalypty.
Aita ketsek, biyl 26 naýryzda elordaǵy Uly Dala kóshesi men Qabanbai batyr dańǵyly qiylysynda iri jol-kólik oqiǵasy boldy. Qala mańyna qatynaityn №303 avtobýs pen №12 avtobýs soqtyǵysqan. Keiin olarǵa №53 qoǵamdyq kólik pen jedel járdem kóligi soǵyldy.
