Foto: Tengrinews.kz
QR Eńbek jáne halyqty áleýmettik qorǵaý ministri Svetlana Jaqypova Almatyda avtobýs júrgizýshisin soqqyǵa jyǵyp, apat saldarynan úsh adam qaza tapqan qaiǵyly oqiǵa týraly aitty, - dep habarlaidy Tengrinews.kz saity.
Úkimet otyrysynda jýrnalister Svetlana Jaqypovadan avtobýs júrgizýshileriniń qaýipsizdigi úshin qandai sharalar qoldaný kerek ekenin surady.
"Árine, bul - úlken tragediia, eki bala anasyz qaldy (qaitys bolǵan jaiaý júrginshi týraly – esk.). Jumys ornyn uiymdastyrýdyń tásilderi boiynsha jumys berýshi jumys aimaǵyn qamtamasyz etip, júrgizýshini jolaýshylardan oqshaýlý kerek. Bul eń birinshi, qajetti nárse", - dedi ministr Úkimet brifinginde jýrnalisterdiń suraqtaryna jaýap bere otyryp.
Eske salaiyq, buǵan deiin Almatydaǵy avtobýs apatynan úsh adam mert bolǵany habarlanǵan edi.
Almaty qalalyq politsiia departamentiniń málimetinshe, 22 jeltoqsanda saǵat 18:15-te №47-baǵyttaǵy qoǵamdyq kóliktiń (jeke tasymaldaýshy – «DýmanTransKom» JShS) ishinde jolaýshy janjal shyǵaryp, júrgizýshi áieldi urǵan, saldarynan ol esinen tanyp, kólikti basqara almai qalǵan.
Er adamǵa qatysty eki qylmystyq bap boiynsha is tirkeldi.
