18 jeltoqsan Halyqaralyq migrant kúni bolyp belgilengen, bul mańyzdy kúndi atap ótý úshin AQSh úkimeti Halyqaralyq damý agenttiginiń (USAID) Ortalyq Aziiadaǵy qaýipsiz kóshi-qon jobasy arqyly Qazaqstandaǵy migranttardyń quqyǵy týraly aqparatty nasihattaityn onlain naýqan bastady, dep habarlaidy "Ult aqparat".
Migratsiia – adamnyń laiyqty, qaýipsiz jáne beibit ómirge umtylysyna negizdelgen jahandyq protsess. Otannan ketý – kóp jaǵdaida májbúrli sheshim bolyp sanalady jáne qaýipti joldyń bastalýyn bildiredi.
Biyl COVID-19 pandemiiasy kezinde shekaralardyń jabylýynan Ortalyq Aziiadaǵy kóptegen migranttar qiyndyqqa tap boldy. Olar jumysqa, tamaqqa, densaýlyq saqtaý júiesine jáne áleýmettik qyzmetterge qol jetkize almai, kúrdeli jaǵdaida qaldy.
Migranttardyń óz quqyqtary týraly habardar bolýyn arttyrý úshin jáne olar kezigetin qiyndyqtarǵa nazar aýdarý úshin Ortalyq Aziiadaǵy qaýipsiz kóshi-qon jobasy Qazaqstan halqyn migranttarǵa qasań stereotipter prizmasynan emes, adam quqyqtarynyń qaǵidattary men normalary arqyly qaraýǵa shaqyrady. Naýqan 18-25 jeltoqsan kúnderi ótedi jáne onda áleýmettik jelilerdegi kóshbasshylarmen túrli is-sharalar júrgiziledi.
Naýqanǵa barlyq adamdar qosyla alady jáne #MyRavny, #Myvsemigranttar, aǵylshyn tilinde #WeEqual jáne #WeAllMigrants heshtegteri arqyly óz oqiǵalaryn jaza alady.
