Foto: ashyq derekkózden
Qazaqstanda otbasyndaǵy zorlyq-zombylyq úshin jaýapkershilikti qatańdatý josparlanyp otyr. Májilis depýtattary jańa zań jobasyn ázirledi, dep habarlaidy Sputnik Qazaqstan.
Parlament Májilisi "Qazaqstannyń keibir zańnamalyq aktilerine áielderdiń quqyqtary men balalardyń qaýipsizdigin qamtamasyz etý máseleleri boiynsha ózgerister men tolyqtyrýlar engizý týraly" zań jobasyn qaraidy.
Májilismen, áleýmettik-mádeni damý komitetiniń tóraǵasy Ashat Aimaǵambetovtiń aitýynsha, zań jobasy Májilis depýtattarynyń bastamasymen ázirlengen. Qujat Prezidenttiń otbasyndaǵy zorlyq-zombylyq úshin jaýapkershilikti qatańdatý tapsyrmasyna tolyǵymen sáikes keledi.
Zań jobasynda depýtattar birneshe negizgi norma usynyp otyr:
• uryp-soǵýdy jáne densaýlyqqa jeńil ziian keltirýdi qazirgi ákimshilik jaýapkershilikten qylmystyq jaýapkershilikke jatqyzý, jazasyn áldeqaida qatańdatý;
• jábirlenýshiniń ótinishin kútpei-aq, zorlyq-zombylyq týraly BAQ nemese onlain platformalardaǵy aqparat negizinde tisti sharalar qabyldaý quqyǵyn berý;
• otbasynda zorlyq-zombylyq jasaǵan adamdardyń agressivti minez-qulqyn ózgertý úshin sotqa psihologiialyq kómek kórsetýdi mindetteý ókilettigin berý;
• pedofilderdi ómir boiyna bas bostandyǵynan aiyrý;
• sýitsidty nasihattaǵany nemese sýitsidke itermelegeni úshin qylmystyq jaýapkershilik engizý;
• balalarǵa arnalǵan internat uiymdaryna aldyn-ala eskertýsiz kez-kelgen ýaqytta barý jáne tekserý.
Áleýmettik-mádeni damý komiteti zań jobasy boiynsha qorytyndy ázirleýge daiyn.
