Almaty politsiiasy urlanǵan telefondardy shetel asyryp otyrǵan qylmystyq topty áshkereledi, dep habarlaidy "Ult aqparat" qalalyq Politsiia departamentiniń baspasóz qyzmetine silteme jasap.
Arnaiy operatsiia eki jaqta jasaldy. Politsiia «Almaty-Bishkek» tas jolynyń 62-shaqyrymynda, qaladan shyǵa beriste «Mersedes S500» kóligin toqtatqan. 32 jastaǵy Qyrǵyzstan azamatyn tintý kezinde polietilen paketke salynǵan 38 mobildi telefon tabyldy.
«Mámile «Almaty-Bishkek» tas jolynda bolǵan. «Megataý» saýda ornynda satýshy bolyp jumys isteitin 24 jastaǵy boijetken telefondardy «áriptesine» birneshe minýt buryn tabystaǵan bolyp shyqty. Áieldiń ózi Almatyda úiine qaityp kele jatqanda ustaldy. Barlyq telefon buryn qoldanysta bolǵan gadjetter. Olardyń bárinde qorap bolmaǵan. Qujattary joq. Ol bul telefondardy kók bazardaǵy satýshy áielden 4 myń AQSh dollaryna satyp alǵanyn aitqan. Ustalǵan jigit telefondardy Bishkekte satyp jibergisi kelgen. Ustalǵan kezde kelinshek te óziniń eski telefondardy satqanyn moiyndady», - dedi qalalyq PD basqarma basshysy Esen Ysqaqov.
Politsiianyń paiymdaýynsha, qylmystyq sindikattyń shemasy qarapaiym bolǵan.
«Áiel urlanǵan telefondardy satyp alyp otyrǵan. Sosyn bul gadjetter joǵary baǵada Qyrǵyzstanǵa satylyp otyrǵan», - dedi ol.
Qazir atalǵan derekke bailanysty QR QK 196-baby boiynsha sotqa deiingi tergeý jumystary júrip jatyr.
24 jastaǵy áieldiń urlanǵan telefondardy kimnen satyp alyp otyrǵany da anyqtaldy. Aldaǵy ýaqytta ǵimarat ishinde urlanǵan zattyń satylýyna ruqsat bergen saýda úiiniń administratorynyń áreketine quqyqtyq baǵa beriletin bolady.
«Sonymen qatar, urlanǵan zattardyń shynaiy ieleri izdestirilip jatyr. Bul zattardyń ishinen eki zattyń iesi tabyldy. Olardyń biri - balaly áiel bolsa, ekinshisi JOO stýdenti óz zatyn tanydy», - dedi politsiianyń baspasóz qyzmetinen.
