Qylmyskerlerdiń urlanǵan qarýdy satý faktileri anyqtaldy. Bul týraly QR IIM Tergeý departamentiniń bastyǵy Sanjar Ádilov aitty, dep habarlaidy QazAqparat.
«Qylmyskerlerdiń urlanǵan qarýdy satý faktileri anyqtaldy. 18 aqpanda Jambyl oblysynyń Baizaq aýdanynda jedel is-sharalar barysynda urlanǵan Kalashnikov avtomatyn satý barysynda Taraz qalasynyń 45 jasar turǵynyn kriminaldyq politsiia qyzmetkerleri ustady. Jeke tintý kezinde kúdiktiden qarýdy satýdan túsken 300 myń teńge, al avtomashina salonynan eki Kalashnikov avtomaty oq-dárisimen tárkilendi», - dedi S. Ádilov Ortalyq kommýnikatsiialar qyzmetinde.
Onyń aitýynsha, túsindirý jumystary nátijesinde adamdar 100-den asa qarýdy erikti túrde tapsyrdy.
«Qarýdy erikti túrde tapsyrǵan adam, eger onyń áreketterinde basqa qylmys quramy bolmasa, qylmystyq jaýapkershilikke tartylmaitynyn esterińizge salamyn», - dedi S. Ádilov.
