قىلمىسكەرلەردٸڭ ۇرلانعان قارۋدى ساتۋ فاكتٸلەرٸ انىقتالدى. بۇل تۋرالى قر ٸٸم تەرگەۋ دەپارتامەنتٸنٸڭ باستىعى سانجار ەدٸلوۆ ايتتى, دەپ حابارلايدى قازاقپارات.
«قىلمىسكەرلەردٸڭ ۇرلانعان قارۋدى ساتۋ فاكتٸلەرٸ انىقتالدى. 18 اقپاندا جامبىل وبلىسىنىڭ بايزاق اۋدانىندا جەدەل ٸس-شارالار بارىسىندا ۇرلانعان كالاشنيكوۆ اۆتوماتىن ساتۋ بارىسىندا تاراز قالاسىنىڭ 45 جاسار تۇرعىنىن كريمينالدىق پوليتسييا قىزمەتكەرلەرٸ ۇستادى. جەكە تٸنتۋ كەزٸندە كٷدٸكتٸدەن قارۋدى ساتۋدان تٷسكەن 300 مىڭ تەڭگە, ال اۆتوماشينا سالونىنان ەكٸ كالاشنيكوۆ اۆتوماتى وق-دەرٸسٸمەن تەركٸلەندٸ», - دەدٸ س. ەدٸلوۆ ورتالىق كوممۋنيكاتسييالار قىزمەتٸندە.
ونىڭ ايتۋىنشا, تٷسٸندٸرۋ جۇمىستارى نەتيجەسٸندە ادامدار 100-دەن اسا قارۋدى ەرٸكتٸ تٷردە تاپسىردى.
«قارۋدى ەرٸكتٸ تٷردە تاپسىرعان ادام, ەگەر ونىڭ ەرەكەتتەرٸندە باسقا قىلمىس قۇرامى بولماسا, قىلمىستىق جاۋاپكەرشٸلٸككە تارتىلمايتىنىن ەستەرٸڭٸزگە سالامىن», - دەدٸ س. ەدٸلوۆ.
