Tótenshe jaǵdaiǵa bailanysty koronavirýstan saqtaný sharalary kúsheitildi. Eń bastysy, turǵyndar úreige, saryýaiymǵa boi aldyrmai, sabyrlyq tanytyp, saqtaný sharalaryn qatań saqtaýǵa kóńil bólgeni jón. Óitkeni, úrei – virýstan da qaýipti. Osylai degen Atyraý oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Amantai Jumaǵaliev óńirdegi maskamen qamtý máselesi týraly aityp berdi, dep habarlaidy QazAqparat.
- Bul koranavirýs infektsiiasynan qalai qorǵanýǵa bolady?
– Qazir turǵyndardyń meditsina maskasyna suranysy artqanynan habardarmyz. Óitkeni, olar betperdeni koronavirýstan qorǵanýdyń birden-bir joly dep túsinedi. Shyndyǵynda, betperde qorǵanysh quralynyń biri ekeni daýsyz. Meditsinalyq maska aldymen, virýsqa shaldyqqan adamdarǵa jáne naýqastarmen tikelei jumys isteitin dárigerlerge asa qajet. Virýsty kóz, qulaq, tipti jýylmaǵan qol arqyly juqtyrýǵa bolady. Sondyqtan, elimizde engizilgen tótenshe jaǵdaiǵa bailanysty koronavirýstan saqtaný sharalary kúsheitildi. Eń bastysy, mundaida úreige, saryýaiymǵa boi aldyrmai, sabyrlyq tanytyp, saqtaný sharalaryn qatań saqtaýǵa kóńil bólgeni jón. Óitkeni, úrei – virýstan da qaýipti.
– Qazir Atyraýdaǵy dárihanalarda meditsinalyq maskanyń qanshasy bar?
– Bizdiń departament kún saiyn oblystyń dárihanalaryndaǵy meditsinalyq maska bar-joqtyǵyna monitoring júrgizedi. Farmatsevtika naryǵyndaǵy kásipkerlerge halyqtyń suranysyn qamtamasyz etý maqsatynda meditsinalyq maska qoryn ýaqytyly tolyqtyrý týraly túsindirý jumystary júrgizilýde. Qazir oblys ortalyǵynda 2 myń jiyntyq bir rettik qoldanylatyn maska bar. Maskalar Atyraý qalasy mańyndaǵy Tomarly selosynda ornalasqan «Igi sát» ǵimaratyndaǵy dárihanada men Jeruiyq móltekaýdanyndaǵy «Zibash» dárihanasynda satylýda. Sondai-aq, «Medfarm import» JShS men «QazTehIndýstriia» kompaniiasym arasynda 100 myń dana kóp rettik qoldanatyn maska alý úshin kelisimshart jasaldy. Kelisimshartqa sáikes Atyraýǵa maskanyń 50 myń danasyn 20 naýryzda jetkizý kózdelip otyr.
– Meditsinalyq maskany 3-4 saǵat saiyn aýystyrý qajet. Osyǵan orai onyń baǵasyn qoljetimdi etýge bolmai ma?
– Bizdiń departamenttyń quzyreti sheginde tek dárilik zattardyń baǵasyn memlekettik retteýdi júzege asyrady. Al, maska meditsinalyq buiym bolǵandyqtan, bizdiń departament onyń baǵasyn rettemeidi.
