Soltústik Qazaqstan oblysynyń ákimdigi Ural Motorcycles kompaniiasy ókilderiniń Petropavl qalasyna kelip, memlekettik organdarǵa júginbegenin aitty, dep habarlaidy QazAqparat.
Áleýmettik jelide Ural mototsiklderi óndirisiniń Petropavlǵa kóshiriletini týraly aqparat tarap jatyr. Buǵan autonews.ru saitynyń materialy negiz bolǵan. Jariialanǵan aqparatqa sáikes, Ural Motorcycles bul qadamyn sanktsiiaǵa ushyraityn birqatar quramdas bólikterdiń jetispeýi jáne Reseiden tehnika ákelýge tyiym salynǵanymen túsindirdi. Ural tehnikasynyń basym bóligi Batys elderine eksporttalady.
Bas direktor Ilia Haittyń aitýynsha, óndiris ornynda jańa jumys oryndary ashylady. Basqarý komandasy Reseiden kóship keledi.
Oblys ákimdigi zaýyt ókilderiniń Petropavlǵa kelip, qurastyrý óndirisin ornalastyrý oryndaryn qarap, jalǵa berýshilermen kelissózder júrgizgenin atap ótti.
«Memlekettik organdarmen kezdesýler ótkizilgen joq. Memlekettik qoldaý sharalary áli qoldanylǵan joq. Aqparat jaqynda jańartylady. Jalpy, Soltústik Qazaqstan oblysy jańa óndirister ashýǵa investorlardyń usynystaryn qaraýǵa árqashan daiyn. Sonyń ishinde «Qyzyljar» arnaiy ekonomikalyq aimaǵynyń aýmaǵynda», - dep túsindirdi oblys ákiminiń baspasóz qyzmeti.
