Qazaqstanda ýniversitetter sanyn qysqartý qajet. Bul týraly búgin «Jańa gýmanitarlyq bilim. Qazaq tilindegi 100 jańa oqýlyq» jobasy aiasynda jaryq kórgen kitaptardyń tasyrylymynda Elbasy Nursultan Nazarbaev aitty, dep habarlaidy QazAqparat.
«Qazir ministrlikke kúnde kelip, ýniversitet ashaiyq deidi. Qaltasyna aqsha tússe ýniversitet ashýǵa umtylady. Bizde 130 ýniversitet bar, ony qysqarttý kerek. Bizge onyń sany emes, sapasy qajet. Qazir reiting júrgiziledi. Reiting júrgizilgen kezde IT-tehnologiiadan, jańashyldyqtan, tehnikadan, injenerlikten qalai degen kezde barlyq úlken ýniversitetterimiz artta qaldy. Jai jeke ýniversitetter aldyǵa shyqty. Osy jaǵdaidan keiin myna ýniversitetter ózinen-ózi qalady. Sebebi biz olarǵa grant bere almaimyz», - dedi Nursultan Nazarbaev.
Memleket basshysy ýniversitetter saqtalyp qalamyn dese zamanǵa sai bolýy tiistigin qatań eskertti.
«Biz jastarǵa qur ásheiin diplom alý úshin oqymaý kerektigin aitýǵa tiispiz. Kezinde ol zamannan da ótkenbiz. Qaltasynda birneshe dilomy bolǵanymen jai júrgen, jumys taba almai júrgen qanshama azamat bar. Sondyqtan mysaly ýniversitettiń 4-kýrsynan bastap stýdentterdi 80-85 paiyzyn biznes adamdary jumysqa tartyp alatyn bolsa, onda ol naǵyz ýniversitet», - dep atap ótti QR Prezidenti.
