قازاقستاندا ۋنيۆەرسيتەتتەر سانىن قىسقارتۋ قاجەت. بۇل تۋرالى بٷگٸن «جاڭا گۋمانيتارلىق بٸلٸم. قازاق تٸلٸندەگٸ 100 جاڭا وقۋلىق» جوباسى اياسىندا جارىق كٶرگەن كٸتاپتاردىڭ تاسىرىلىمىندا ەلباسى نۇرسۇلتان نازارباەۆ ايتتى, دەپ حابارلايدى قازاقپارات.
«قازٸر مينيسترلٸككە كٷندە كەلٸپ, ۋنيۆەرسيتەت اشايىق دەيدٸ. قالتاسىنا اقشا تٷسسە ۋنيۆەرسيتەت اشۋعا ۇمتىلادى. بٸزدە 130 ۋنيۆەرسيتەت بار, ونى قىسقارتتۋ كەرەك. بٸزگە ونىڭ سانى ەمەس, ساپاسى قاجەت. قازٸر رەيتينگ جٷرگٸزٸلەدٸ. رەيتينگ جٷرگٸزٸلگەن كەزدە ٸت-تەحنولوگييادان, جاڭاشىلدىقتان, تەحنيكادان, ينجەنەرلٸكتەن قالاي دەگەن كەزدە بارلىق ٷلكەن ۋنيۆەرسيتەتتەرٸمٸز ارتتا قالدى. جاي جەكە ۋنيۆەرسيتەتتەر الدىعا شىقتى. وسى جاعدايدان كەيٸن مىنا ۋنيۆەرسيتەتتەر ٶزٸنەن-ٶزٸ قالادى. سەبەبٸ بٸز ولارعا گرانت بەرە المايمىز», - دەدٸ نۇرسۇلتان نازارباەۆ.
مەملەكەت باسشىسى ۋنيۆەرسيتەتتەر ساقتالىپ قالامىن دەسە زامانعا ساي بولۋى تيٸستٸگٸن قاتاڭ ەسكەرتتٸ.
«بٸز جاستارعا قۇر ەشەيٸن ديپلوم الۋ ٷشٸن وقىماۋ كەرەكتٸگٸن ايتۋعا تيٸسپٸز. كەزٸندە ول زاماننان دا ٶتكەنبٸز. قالتاسىندا بٸرنەشە ديلومى بولعانىمەن جاي جٷرگەن, جۇمىس تابا الماي جٷرگەن قانشاما ازامات بار. سوندىقتان مىسالى ۋنيۆەرسيتەتتٸڭ 4-كۋرسىنان باستاپ ستۋدەنتتەردٸ 80-85 پايىزىن بيزنەس ادامدارى جۇمىسقا تارتىپ الاتىن بولسا, وندا ول ناعىز ۋنيۆەرسيتەت», - دەپ اتاپ ٶتتٸ قر پرەزيدەنتٸ.
